ДҮНИЕ – БІР ҚИСЫҚ ЖОЛ БҰРАҢДАҒАН

101 >>>

Ақылы ер жігітті байыпты етер,

Аяғың нық баспасаң тайып кетер,

Жаманға жақын тартып сырыңды айтсаң,

Сол жаман шыға бере жайып кетер.

102 >>>

Ботасы өлген боз інген боздайды екен,

Ақын жігіт тойда өлең қозғайды екен,

Сары аяққа бал құйып қойсаң-дағы,

Өз еліндей әркімнің болмайды екен.

103 >>>

Сауғанмен жалғыз сиыр іркіт болмас,

Қара құс қайырғанмен бүркіт болмас,

Тыңдаушы сөз иесі кез келгенде,

Жел сөзді ауыздағы іркіп болмас.

104 >>>

Алайын әнге басып кезегімді,

Өлеңім жарып шыққан өзегімді,

Алдынан төте шауып көрінейін,

Сүйемін бірлігі нық өз елімді.

105 >>>

Мінгенім дәйім менің арда күрең,

Жоқ болса жалғыз тайың өлең үйрен,

Өлеңнің бір пайдасы тойда тиер,

Басыңды есіктегі төрге сүйрер.

баспаға әзірлеген             

Бегімхан Ибрагим (КЕРІМХАНҰЛЫ)

Ақсу қаласының Абай атындағы №2 ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі