ДҮНИЕ – БІР ҚИСЫҚ ЖОЛ БҰРАҢДАҒАН

91 >>>

Келестің біздің ауыл қамалында,

Басымның қам жемеймін аманында,

Барында оралыңның ойна да күл,

Ұлы Даланың Тәуелсіздік заманында.

92 >>>

Ауада ұзақ ұшар тобыменен,

Астында тұйғын ұшар қолыменен,

Болғанда ұзақ көкте, тұйғын төмен,

Бірдей ме дәрежесі соныменен.

93 >>>

Жылқы деген мал жақсы жүйрік болса,

Жігіт қайда жүрмейді бұйрық болса,

Көңілі өсіп жігіттің отырмай ма,

Алдында жал, артында құйрық болса.

94 >>>

Дәйім менің мінгенім алқара кер,

Ал, қане, екі-екіден ән сала бер.

Осындайда, балалар, ойна да күл,

Бәрімізді жалмайды көр болар қара жер.

95 >>>

Ендеше мыс қалады, мыс қалады,

Қайырылып мыс қалаға құс қонады,

Барында жастық шақтың ойна да күл,

Саудырап өлгеннен соң тіс қалады.

баспаға әзірлеген             

Бегімхан Ибрагим (КЕРІМХАНҰЛЫ)

Ақсу қаласының Абай атындағы №2 ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі