ДҮНИЕ – БІР ҚИСЫҚ ЖОЛ БҰРАҢДАҒАН

71 >>>

Жұлдыз жоқ түнде жарық айдан жақсы,

Қара су сусағанда шайдан жақсы,

Надандар ойын сөзді кек көреді,

Көтерер ел көңілін қайран жақсы.

72 >>>

Өнерге білім білген жеткізеді,

Дариядан кеме, қайық өткізеді,

Жақсымен зәуеде бір жолдас болсаң,

Бойына бір қасиет біткіздеі.

73 >>>

Көшкенде жылқы айдаймын торымене,

Жігіттің жолдас болма қорыменен,

Сөз айтсаң кей жаманға қорқытады,

Бопсалап қолындағы жоғыменен.

74 >>>

Жігіттер, бар да аспанда, жоқ та аспанда,

Қарайды жан-жағына ер сасқанда,

Жел сөзді ел құмартқан аяйын ба,

Жиналып, өңшең жақсы бас қосқанда.

75 >>>

Байқаймын өткен күннің белгісі жоқ,

Айналып, екі қайтып келгісі жоқ,

Жолдас болсаң, жігіттер, жақсымен бол,

Жаманға жақсы жанды бергісі жоқ.

баспаға әзірлеген             

Бегімхан Ибрагим (КЕРІМХАНҰЛЫ)

Ақсу қаласының №2 ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі