ДҮНИЕ – БІР ҚИСЫҚ ЖОЛ БҰРАҢДАҒАН

46 >>>

Алқызыл көрінеді қашқан түлкі,

Жігіттің қайда қалмас жиған мүлкі,

Биікке ойда тұрып қол созамын,

Болсын деп шіркін көңіл көтеріңкі.

47 >>>

Досым жайлы, ей, қалқа, досым жайлы,

Ынтымағы жаманның қосылмайды,

Алды-артын ойлайтын ер азамат,

Дүниеге мастанып отырмайды.

48 >>>

Ұшады бала бүркіт аспанменен,

Қашады қызыл түлкі тастарменен,

Бірі қашып, біреуі қуса-дағы,

Болжаусыз жан шықпайды сасқанменен.

49 >>>

Көшіп жатыр ауылым, қонып жатыр,

Қай дегені пенденің болып жатыр,

Шыққанменен қырықтың қырқасына,

Арман деген кеудеде толып жатыр.

50 >>>

Қам сүт іштік анадан піскен емес,

Таудай үлкен күнәміз кішкене емес,

Сол күнәға соншама қоссақ-тағы,

Кешем десе құдайға ештеңе емес.

баспаға әзірлеген             

Бегімхан Ибрагим (КЕРІМХАНҰЛЫ)

Ақсу қаласының №2 ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі