ДҮНИЕ – БІР ҚИСЫҚ ЖОЛ БҰРАҢДАҒАН

31 >>>

Дегенде, дүние шіркін өтер-кетер,

Түбіне сұм дүниенің кімдер жетер,

Қадір тұт, бір-біріңе құрмет көрсет,

Тірлікте сыйластыққа барма жетер.

32 >>>

«Ә» деп айтпақ өлеңнің қиын жері,

Бәрі бірдей жүйрікке ылди, өрі,

Ұшып бірдей алтынның сынығындай,

Сөз сөйлейді жігіттің кемеңгері.

33 >>>

Ағайын жат та болса көзге тәуір,

Өкпем жоқ, кеудемдегі бәрі бауыр,

Жауымның дәлдеп салған найзасынан,

Досымның саусағымен шерткені ауыр.

34 >>>

Ұшып жүрген аспанда ұлар ма екен,

Атып алса баласын жылар ма екен,

Атып алып, баласы жылар болса,

Көкіректен шыбын жан шығар ма екен.

35 >>>

Самаурын шай қайнайтын шүмегі алтын,

Досыңмен сыйласатын болма салқын,

Досыңмен сыйласатын болсаң тату,

Көңілің болып жүрер ашық жарқын

баспаға әзірлеген             

Бегімхан Ибрагим (КЕРІМХАНҰЛЫ)

Ақсу қаласының №2 ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі