ҒАШЫҚТЫҚ СҰЛУЛЫҚТЫ ТАЛҒАМАЙДЫ

901 >>

Асты тақтай ағаш үй үсті тақтай,

Мен қалқаны шақырдым дамыл таппай,

Шақырғанның белгісі сол емес пе,

Ұзақ таңға отырдым кірпік қақпай.

902 >>

Екі бөртек беліңе жіп жетеді,

Нұр жүзіңді көргенде ес кетеді,

Құрбылықпен бір сөзді айтып едім,

Бір тілекті құп алсаң нең кетеді.

903 >>

Ық жағында ауылыңның қызыл шілік,

Келіп кетші шілікке ептеп жүріп,

Құрбылықпен ұнаса салқан қолқам,

Бір аз ғана жүремін ойнап-күліп.  

904 >>

Зергер бұйым соғады қалайыдан,

Аққан тері сорғалап самайынан,

Сәулешімнің көңіліне қараймын деп,

Сұлулардың айрылдым талайынан.

905 >>

Бұраң бел, қоян жонды, бөкен санды,

Ақ тамақ, сүйір иек, беті қанды,

Қара қас, бадам қабақ, жазық маңдай,

Таба алмай іздеп жүрмін сондай жанды.

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі