ҒАШЫҚТЫҚ СҰЛУЛЫҚТЫ ТАЛҒАМАЙДЫ

896 >>

Қызыл жібек, ақ жібек білегіме,

Құдай-ау, жеткізе гөр тілегіме,

Қай бұрышында дүниенің жүрсем-дағы,

Атыңды сақтап жүрем жүрегімде.

897 >>

Қызыл жібек, ақ жібек иірейін,

Алтын тақтың үстінен жүгірейін,

Ауылың алыс кеткенде қимас қалқам,

Хат жазып қарлығаштан жіберейін.

898 >>

Тау құлаған дегенде тау құлаған,

Таудың тасы етекке саудыраған,

Мойныңды бұра тастап қарағанда,

Көзіңнен айналайын жаудыраған.  

899 >>

Жимаймын салдықпенен балағымды,

Ораймын ақ торғынмен тамағымды,

Кетпейді көз алдымнан жымиғаны,

Жүр екен кім күлдіріп қарағымды.

900 >>

Торы айғыр тоқпақ жалды далада тұр,

Пәт құндыз, дүрия шағи, қалада тұр,

Тұсынан ауылыңның ән шырқасам,

Сүйеніп ақ боз үйге қара да тұр.

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі