ҒАШЫҚТЫҚ СҰЛУЛЫҚТЫ ТАЛҒАМАЙДЫ

886 >>

Таба алмадым аққудың жұмыртқасын,

Ғашық жарға сәлем де ұмытпасын,

Қанатым жоқ ұшуға зорға жүрмін,

Келмеді деп көңілін суытпасын.

887 >>

Ақ көйлектің етегі алтынданған,

Ақ жамбыдай ажарың жарқылдаған,

Сексен үйрек шықса да серуенге,

Сен қоңыр қаз ішінде саңқылдаған.

888 >>

Қызыл ернің жұп-жұқа, қара қасың,

Тамағыңнан көрінер ішкен асың,

Қадір білер кісіге қол арт деген,

Мен не дейін өзің білі құрбыласым.  

889 >>

Жыртылмайды ақ көйлек кең болған соң,

Екі құрбы ойнайды тең болған соң,

Саған айтпай сырымды кімге айтайын,

Шын наған көңілге сен болған соң.

890 >>

Жарапсың ғой, жаным-ау, сірә зерек,

Замандасым басқадан жөнің бөлек,

Күндіз ойдан кетпейсің, түнде түстен,

Тал бойыңда мінің жоқ жасыл желек.

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі