Тәуелсіздік – мемлекеттік белгісі,

Артта қалған отарлаудың езгісі.

Жеке түске ие болған картада,

Жаңа ғасыр, жаңа толқын еншісі.

 

Тәуелсіздік – Желтоқсанның жарлығы,

«Қазақстан!» деп мойындаған барлығы.

Мемлекеттік нышандары асқақтап,

Көзге түскен Қайрат пенен қайсарлығы.

 

Тәуелсіздік – Нұрсұлтандай президент,

Ел қалаған Үкімет пен Парламент.

Әлем-жаһан аумағына танылған,

Шоқтығы биік саясат пен өркениет.

 

Тәуелсіздік – қос арыстай Ата Заң,

Адал, әділ сенім берген нұрлы таң.

Адамият мәртебесін қорғаған,

Сабырлы да қанағатты Таңшолпан.

 

Тәуелсіздік! Тоқтар, Талғат – қос қыран,

Ғарыш шарлап аттанған ақ зымыран.

Құт-береке қазақ жері – Байқоңыр,

Дүние назары ауған баһадүр Тұран.

 

Тәуелсіздік – маңызы зор ұлттық Теңге,

Сапасы мен көркіменен танылған кеңге.

Баба, дана діліменен тұлғаланған,

Күннен күнге құт әкелер қалың елге.

 

Тәуелсіздік – қуғын-сүргін құрьандары,

Қаралы дақ, жылатар зар-мұңдары.

Таза ісі анықталып, ақталған,

Қатарға оралған аяулы, асыл жандары.

 

Тәуелсіздік – жүзден аса ұлт достығы,

Ұлттық дәстүр, әдет, тіл, дін бостығы.

Ынтымақ пен татулығы жарасқан,

Халықтар бірлігі мен бауырмал ыстығы.

 

Тәуелсіздік! Қазақ тілі – құдірет,

Мемлекеттік тұғыры бар құзырет.

Ана тілі – киелі, құнды басты меже,

Алынбасын қыспаққа, тартпасын тауқымет.

 

Тәуелсіздік – ел көтерген ғылым, мәдениет,

Күллі ғаламды тамсандырған төл әдебиет.

Аға ұрпақ аманат еткен қазына

Кейінгіге болсын үлгі, демеу, өсиет.

 

Тәуелсіздік – жас мемлекет Қазақстан,

Қымбатты да сымбатты Ұлы Отан.

Жеткізсін «2030» Алаш елін,

Танылсын, дамысын, жасасын –

Елдігімен қымбат санатты,

Барыстай айбат қайратты,

Қырандай еркін қанатты –

қазақ жері, егеменді Қазақстан!