Тәуелсіздік – ежелден-ақ аңсауымыз,

Күлтегін, Едіге көтерген көк туымыз.

Айбыны түріктердің айшықталған,

Жығылмайтын, асқар, биік тұғырымыз.

 

Тәуелсіздік – Талас, Тұран даласы,

Ертіс, Еділ, Жайық, Сыр, Шу саласы.

Айбары қазақтардың айқындалған,

Шын өзегі, бар ма біреудің таласы.

 

Тәуелсіздік – Жәнібек, Керей, Қасым, Берке,

Хақназар, Есім, Абылай, Тәуекел, Тәуке.

Құдіретті қазағымның хандығы,

Алтын заман – тірлігі нық береке.

 

Тәуелсіздік - Әбілқайыр, батыр Сырым,

Исатай, Кенесары, баһадүр дүйім.

Жанға батқан бодандыққа бой бермеген,

Амангелді, Бекболаттай бірегейім.

 

Тәуелсіздік – ардақты Алаш арманы,

Зиялылар бола білгенәз құрбаны.

Ұлы жолда бойындағы барын салған,

Қырандайын егеменді ел ұланы.

 

Тәуелсіздік – дүр сілкінткен Желтоқсан,

Қайрат, Ләззат ұшқындатқан күш орасан.

Шашау етпей, еркіндікке қол жеткізген,

Парасатты Назарбаев Нұрсұлтан.

 

Тәуелсіздік – теңдесі жоқ тұғырымыз,

Еркін Қыран, асыл, алтын Күн-Нұрымыз.

Күнпарағын жиырма жылға бек толтырған,

Үлкен-жасты рухтандырар Әнұранымыз.