13:11 Ұстаздар мерейі асқарлана берсін мерекемен де, берекемен де! | |
| Құрметті ұстаздар! Сіздерді Мұғалім Күні мерекесімен шын жүректен құттықтаймын. Осы айтулы мейрам қарсаңында баршаларыңызға жайма шуақты күн нұрын тілегім келеді. Ұстаз ұлағаты – ұлық ұғым. Мұғалімдердің ерен еңбегінің арқасында ғана мемлекет іргесін қорғап, ел тізгінін ұстаған толағай - азаматтар қаймана қазақ баласының аманатын арқалайды. Әр адам ұстаздан алған білімі мен қарым – қабылетін пайдаланып қоғам мен халқына аянбай еңбек етуге талпынар. Жаңа ғасыр аясында жаңашылдық үрдіспен қарбаласа қадам басып, барлық инновациялық технологияларды игеріп, оны өскелең ұрпақ санатына жеткізу Сіздердің еншілеріңізде екені баршаға аян. Адамзат баласының Әзиз жолында тәжірибе – машықтарыңызды паш ете ұрпақ тәрбиелеу - қажырлықты талап етер елеулі еңбек. Болашағына сенген өз шәкірттеріңіз сенімдеріңізді ақтап, өмір ауанында құлаштап самғасын, Қазақ мемлекеті гүлденіп, өсіп - көркейіп, аспанымыз әрқашан бейбіт болсын. «Ұстаздық қылған жалықпас үйретуден балаға» - дегендей, айтулы мереке қарсаңында баршаларыңызға қажымас қайрат пен зор денсаулық тілеймін. Отбасыларыңыз шаттық пен береке толы болсын. Барлық аңсаған армандарыңыз орындалып, мақсат – мұраттарыңызға жете беріңіздер деген тілек білдіремін. Мерекелеріңіз құтты болсын, ардақты да аяулы ұстаздар! | |
|
| |
| Всего комментариев: 5 | ||||||
| ||||||
