ИСЛАМДА ЖАН САУЛЫҒЫНА ҚАТЫСТЫ ПРАКТИКАЛЫҚ ӘДІС-ТӘСІЛДЕР

1. Алламен болған қарым-қатынас

5. Мінажат

Адам Құдай алдындағы әлсіздігі мен пақырлығын ұғынып, өзіне беріліп жатқан нығметтің шексіздігін білсе, жүрегі Оған деген шүкірге, ынтызарлық пен сағынышқа толары сөзсіз. Мұны бастан кешірген пенденің алақан жайып, жан дүниесімен Раббысына мінажат қылмауы мүмкін емес.

Ондай жан жүрегімен де, тілімен де Алланы зікір етіп, болмысымен мінажат етуші құлға айналады.

Бұған дейін  айтылған тақырыптардың барлығы адамның рухани әлеміне өзгеріс әкелетін негізгі факторлар. Сондықтан бұлар өмірде практикалық тұрғыдан жүзеге асуы тиіс. Алламен байланысты жақсартуды қалаған адам бұларға мұқият мән бергені жөн.