ИСЛАМДА ЖАН САУЛЫҒЫНА ҚАТЫСТЫ ПРАКТИКАЛЫҚ ӘДІС-ТӘСІЛДЕР

1. Алламен болған қарым-қатынас

Алламен болған қарым-қатынасты жүзеге асыру үшін жасалатын қадамдар:

Тақуалық

Тақуалық – жүректің қасиеті.

Тақуалықтың ішкі формасы – адамның әрдайым Алламен рухани байланыста болуы.

Жалғыз немесе көпшілік арасында болса да, Алладан ұялып, еске алудан танбау. Іс-әрекеттері мен құлшылық-ғибадаттарын тек Оның ғана разылығы үшін жасау.

Тақуалықтың сыртқы формасы – Алланың бұйрықтарын орындап, тыйымдарынан тыйылу.

Бұған бірінші кезекте парыз етілген құлшылық-амалдарды орындау және адалға көңіл бөліп, арамнан бойды әрдайым аулақ ұстау жатады.