ИСЛАМДА ЖАН САУЛЫҒЫНА ҚАТЫСТЫ ПРАКТИКАЛЫҚ ӘДІС-ТӘСІЛДЕР

1. Алламен болған қарым-қатынас

Алламен болған қарым-қатынасты жүзеге асыру үшін жасалатын қадамдар:

Құранды оқу, түсіну және үкімдеріне амал ету

Құран – зікірдің ең үлкені. Құранға көңіл бөлу, күнделікті оқу, үкімдеріне амал ету – адам жүрегіне ерекше әсер береді. Алла елшісі (с.а.с.) бір хадисінде:

«Құранды алу – береке (яғни Құранды оқу, түсіну және үкімдеріне амал ету). Құранды тастап қою – қасірет. Құранның алдында жалған менсиқыршы қауқарсыз», - деген.

Имам Шафиғи шәкірті Рабия ибн Сүлейменге айтқан насихатында: «Егер се өз жүрегіңді және балаңның жүрегін тазартқың келсе, Құранға көңіл бөл. Жүрек Құранмен байланса, Алла да ол жүректі дұрыстайды», - деген.

Ғалымдар:

«Жүректің дерттері қалайша әлемдердің Раббысы Алла тағаланың сөздеріне төтеп берсін! Құран дүние мен ақыретке қатысты жүректің юарлық дертіне шипа», - дейді.

Құранда да:

«Біз Құранда мүміндер үшін шипа һәм рақым болатын аяттар түсіреміз» («Исра» сүресі, 82-аят) деп баяндалады.

Олай болса, адам Құранды басшылыққа алып, жүрегін сыртқы және ішкі әсердің жаманынан сақтап, оны барынша өзіне пайдалы және Аллаға ұнайтын ізгі істерге жұмылдырғаны жөн.