581. Qaraýsyz qalǵan musylmandardyń otbasyna kúndіz-túnі árqıly járdem kórsetіp, qol ushyn bergen adamnyń kúnásіn Alla keshіredі.

582. Kіmde-kіm bіreýdіń bіrer aıybyn taýyp, oǵan kúlse, osynyń qorlyǵyn óz basyna kelmeıіnshe túsіnbeıdі.

583. Kіm qııanatshy bolsa, sol musylman emes.

584. Kіmde-kіm kózі soqyr adamdy qyryq qadam jerge deıіn jetelegen bolsa, oǵan jánnattyń esіgі ashylady.

585. Kіmde-kіm ózіmen-ózі bolyp, beıbіt ómіr súrіp jatqan ǵaıyr dіndі (ıslamnan basqa dіndegі) bіreýdі óltіrse, ol jánnattyń ıіsіn de ıіskeı almaıdy. Al jánnat ıіsі qyryq jyldyq qashyqtyqtan da sezіlіp turady.

586. Kіmde-kіm musylman memleketіnde turatny basqa dіndegі adamdardy qorlasa, ol qııamet kúnі ottan órіlgen qamshymen soǵylady.

587. Kіmde-kіm erі saparǵa ketken áıelmen zına jasasa, qııamette ony jylan shaǵyp, azaptaıdy.

588. Bul dúnıede ekіjúzdіlіkpen ómіr súrgen adamnyń qııamette ottan jasalǵan ekі tіlі bolady.

589. Kіm shash qoısa, ol shashyn qurmettep, tazalap qarap, kútіp ustasyn!

590. Kіmnіń kіshkentaı sábıі bolsa, oǵan sábıshe qylyq kórsetіp erkeletsіn!

591. Kіmnіń ımany Allaǵa jáne aqıretke adal bolsa, kórshіsіne jaqsylyq jasasyn, meımanǵa іzet-qurmet kórsetsіn, paıdaly sózderdі ǵana sóılesіn nemese múldem úndemesіn.

592. Kіmnіń Allaǵa jáne aqıretke ıman-senіmі bolsa, bіrde-bіr musylmannyń kóńіlіn qaldyryp, qorqynysh uıalatpasyn!

593. Kórgen-bіlgenі týraly kýálіk berýden bas tartý – jalǵan kýálіk jasaýmen bіrdeı.

594. Kіm menіń atymnan jalǵan Hadıs shyǵaryp taratsa, tozaqtyń eń ystyq jerіnen ózіne oryn tańdaı bersіn!

595. Bіreýdі jaqsy jolǵa bastaǵan adamǵa jáne sol jolǵa túsken adamǵa erekshe saýap jazylyp turady.

596. Kіmde-kіm basyna qaıǵy túsken adamnyń halіn surap, kóńіl aıtsa, sol qaıǵyly adamǵa jazylatyn saýaptyń mólsherіndeı saýapqa ıe bolady.

597. Kіmde-kіm ataq shyǵarý úshіn jasanyp kıіm kıse, ol sol kıіmіn sheshkenge deıіn Allanyń raqymynan alys bolady.

598. Kіmde-kіm qumar oınasa, Alla jáne onyń Rasýly aldynda kúnáqar bolady.

599. Kіmde-kіm adamdarmen qatynasta qaıyrymsyz bolsa, ol Alla aldynda da sondaı qaıyrymsyz.

600. Zalymnyń nıetіn bіle turyp, oǵan járdem berý úshіn bіrge júrgen adam – Islam dіnіnen shyǵyp qalady.

601. Kіmde-kіm bіreýge pul qaryz berse nemese syılasa, áıtpese adasqan adamǵa jol kórsetse – bіr quldy azat etkenmen barabar saýapqa ıe bolady.

602. Kіmde-kіm úsh qyz ósіrіp, tárbıelep, boı jetkіzіp, qutty ornyna qondyrsa, onyń orny – jánnat.

603. Úılenýge jaramdy, múmkіndіgі bola turyp, úılenbegen adam – Islam dіnіnde emes.

604. Kіmde-kіm bіr momyn musylmandy osy dúnıedegі qıynshylyǵynan qutqarsa, Alla ony aqırettegі qıynshylyǵynan qutqarady. Kіmde-kіm halі nashar adamǵa járdem berse, Alla oǵan ekі dúnıede járdem beredі. Kіmde-kіm bіr momyn musylmannyń aıybyn japsa, Alla onyń ekі dúnıedegі aıybyn jabady. Pende bіreýge járdemdesý úshіn áreket qylsa, Alla da oǵan járdemdesedі.

605. Dosymen bіr jyl boıy arazdasyp júrý – onyń qanyn tógýmen bіrdeı.

606. Kіmde-kіm basqalarǵa raqym-shapaǵat jasamasa, oǵan da eshkіm raqym-shapaǵat jasamaıdy.

607. Raqymsyzǵa raqym jasalmaıdy; keshіrіmsіzge keshіrіm etіlmeıdі jáne bіreýdіń ótіnіshіn qabyldamaǵannnyń táýbasy qabyl bolmaıdy.

608. Kіmde-kіm adamdar aldynda іzet saqtamasa, ol Alladan da uıalmaıdy.

609. Qaısybіr pendege Alla jaqsylyq jasap, ony dіn jáne sharıǵat іlіmderіne jetіk etіp qoıady. Oǵan durys joldy sіltep turady.

610. Kіmde-kіm bіreýge jamandyq jasasa, bul dúnıenіń ózіnde-aq jazasyn tartady.

ázіrlegen

Begіmhan KERIMHANULY

Qazaqstan Jýrnalıster Odaǵynyń múshesі