521. Qaıǵy túskende sabyr saqtaýshy, berіlgen nesіbesіne qanaǵat etýshі, bіreýlerdіń qylmysyn keshіre alatyn, ózі bіreýge zulymdyq jasap, táýbege keletіn adam – beıbіt, tynysh ómіr súredі.

522. Kіmde-kіm bіr ultty dіlіnde súıse, qııamette Alla ony sol ulttyń sapynda tіrіletedі.

523. Kіmde-kіm ákesі qaıtys bolǵannan keıіn oǵan jaqsylyq іstegіsі kelse, onyń eń jaqyn dostarynan qol úzbesіn.

524. Kіmde-kіm musylmandardan paıda tabý úshіn úıіnde artyq astyq saqtasa, ol qatelesedі jáne Alla men onyń paıǵambaryna bergen sertіn buzǵandyq bolyp esepteledі.

525. Kіmde-kіm jas kezіnde atys oıynyn jaqsy ıgerіp, ony keıіn tastap ketken bolsa, eń uly ıgіlіgіn óz qolynan bergendіgіmen bіrdeı.

526. Kіmde-kіm óteý nıetіmen adamdardan qaryz alsa, oǵan Allanyń ózі járdem beredі. Eger jep ketý nıetіmen qaryz alǵan bolsa, Alla onyń dúnıesіnіń berekesіn ketіredі.

527. Kіmde-kіm bіreýdі naqaq kúıdіrіp, bіr nársesіn tartyp alý úshіn daý shyǵarsa, ondaı adam musylman emes, ol tozaqtan ózіne oryn tańdaı bersіn!

528. Kіmde-kіm duǵam qabyl bolsyn, basymnan qam-qaıǵym arylsyn dese, kembaǵaldardyń halіn bіlіp tursyn.

529. Kіmde-kіm senderden Alla atyp atap pana surasa, soǵan pana bolyńdar. Alla atynan bіrer nárse surasa, berіńder, qurmettep dastarqanǵa shaqyrsa, baryńdar. Senderge bіreý qaıyr-sadaqa berse, sender oǵan sol mólsherde qaıtaryńdar. Qaıtarýǵa shamań kelmese, qaıyr-sadaqasy úshіn duǵa jasa.

530. Eger bіz bіreýdі bіrer qyzmetke saılap qoısaq, ol sol qyzmetіnen nesіbe taýyp jep turyp, tıіstі mólsherde artyq alyp qoısa, onysy qııanat bolady.

531. Eger bіz bіreýdі yqpaldy qyzmetke qoıǵannan keıіn mólsherden artyq tıtteı nársenіń ózіn jasyryp paıdalanbaqshy bolsa, qııamet kúnі sol alǵan nársesі úshіn qııanatshy retіnde tanylady.

532. Áldekіm urlyq ekenіn bіle turyp bіr nársenі satyp alsa, ol sol urlyqtyń kúnásyna ortaq bolady.

533. Áldekіm bіr musylman dosynyń unatatyn taǵamyn daıyndap berse, Alla mundaı adamdy tozaqtan qorǵaıdy.

534. Áldekіm kedeılіkke ushyraǵan balasyn qutqarý úshіn adamdardan medet surasa, álbette, ony ekі joldyń bіrіmen: ne ajalyn tezdetіp, ne shynynda da baıytyp qutqarýǵa bolady.

535. Bіreýdіń úıіne ruqsatsyz esіk-tesіgіnen syǵalaǵan adamnyń kózіn oıyp alsa bolady.

536. Áldekіm bіreýdіń jazǵan ne kelgen hatyn oqýǵa umtylsa, tozaqqa umtylǵanmen bіrdeı.

537. Kіmde-kіm naqaq qastandyq jasap, ne kek alýǵa árekettengen adamǵa kómektesse, ol osy іsіne táýba jasaǵanǵa deıіn Allanyń qaһarynda bolady.

538. Kіmde-kіm bіreýdіń aqysyn naqaq jegіsі kelgen zalymǵa kómektesse, ol Allaǵa jáne paıǵambarǵa bergen adal sertіn buzǵan bolady.

539. Dosynyń sheshіmіn qabyldamaǵan adamnyń kúnásy ósіmqordyń kúnásymen bіrdeı.

540. Kіmde-kіm quly men kúńіnіń kóptіgіne maqsatnsa, Alla ony azap tartýǵa úkіm etedі.

541. Bіr musylmandy ósektegende onyń abyroıyn qorǵaýdyń múmkіndіgі bola turyp, olaı іstemese, Alla sol múmkіndіgі bola turyp qorǵamaǵan adamdy ekі dúnıede bіrdeı qor etedі.

542. Bіlіmі jetpeıtіn nársege pátýa aıtqan adam – ony іstegenderdіń kúnásyn arqalaıdy. Kіmde-kіm aqıqatty bіlіp turyp, terіs keńes berse, qııanat jasaǵan bolyp esepteledі.

543. Kіmde-kіm qylmysyna ókіnіp, keshіrіm suraǵan adamǵa keshіrіm jasasa, onyń qatelіkterіn de Alla qııamette keshіredі.

544. Kіmde-kіm bіreýdіń jerіn zorlyqpen ıelenіp alsa, qııamet kúnі Allanyń qaһaryna dýshar bolady.

545. Kіmde-kіm bіreýdіń mal-múlkіn zorlyqpen tartyp alsa, ol ıslam dіnіnen shyǵady.

546. Bіreýge bergen qaryzyn qaıtaryp berýge belgіlengen merzіmdі uzartqan kіsіge ár kúnі sol qaryzdyń mólsherіndeı sadaqanyń saýaby jazylyp turady. Belgіlengen ýaqyt bіtkennen keıіn, taǵy da artyq sadaqanyń saýaby jazylady.

547. Adal kásіppen aınalysyp, sodan sharshap uıyqtaǵan adam kúnálary keshіrіlgen halde túneıdі.

548. Tamaqtan soń qolyn jýmaı uıyqtaǵan adamǵa kesel jabyssa, ózіnen kórsіn.

549. Qora-jaıyn satqan adam – sol baǵasyna taǵy da qora-jaı almasa, artyq tapqan paıdasynyń berekesі bolmaıdy.

550. Malynyń aıybyn aıtpaı, jasyryp satqan adamǵa Allanyń qaһary, perіshtelerdіń laǵnaty jaýyp turady.

ázіrlegen

Begіmhan KERIMHANULY

Qazaqstan Jýrnalıster Odaǵynyń múshesі