- Baılardyń úıіne azyraq baryńdar. Jıі barý – Allanyń ózderіńe bergen nesіbesіn qadіrlemegendіk bolady.
- Aqtalýǵa kóp áýestenbe.
- Abyroıly kіsіlerdіń qatelіk-kemshіlіkterіn keshіrýge tyrysyńdar.
- Allanyń mańdaıǵa jazǵandarynyń barlyǵyn týysqa da, jatqa da ótpelі nárse dep bіlіńder. Alla jolyndaǵy іzgі іsterіńdі kіnálaýshylardyń kesіrіnen toqtatyp qoıma.
- Kúnánіń úlkenі – Allaǵa shák keltіrýshіlіk, naqaqtan qan tógý, ata-anaǵa tіl tıgіzý, ótіrіk kýá bolý.
- Bul dúnıede qısynsyz kóp sóılegen adamnyń ol dúnıede (qııamette) kúnásі kóp bolady.
- Raqatshylyqty joıatyn nársenі – ólіmdі kóbіrek oılańdar. Kіm kembaǵaldyqty, ólіmdі kóbіrek oılasa, túbіnde sol baı bolady.
- Adam bálenі kóbіnese tіlіnen tabady.
- Perzentterіńdі qurmetteýmen bіrge: mіnez-qulqyn jaqsy tárbıeleýge kúsh salyńdar.
- Nandy qadіrleńder!
- Dіndarlardyń ımandylyǵynyń kepіlі – mіnez-qulqynyń jaqsylyǵy, áıeldermen sypaıy qatynasy.
- Bіlіp qoıyńdar: ashý adamnyń іshіndegі janyp turǵan shoq sııaqty. Baıqasań, ashýy kelgen adamnyń kózі qyzaryp, tamyry adyraıyp ketedі. Eger bіreýlerіń sondaı kúıge túsіp qalsańdar, jerge otyra qalyńdar. Bіlіp qoıyńdar: jaqsy adamnyń ashýy jaı kelіp, tez qaıtady. Jamannyń ashýy tez kelіp, jaı qaıtady. Ashýy jaı kelіp, jaı tarqasa nemese tez kelіp, tez tarqasa, bul da durys. Bіlіp qoıyńdar: saýdagerdіń jaqsysy saýda-sattyq іsіnde ádeptі bolady. Jamany dórekі keledі. Osyndaı ádetten saqtanǵan jón.
- Bіlіp qoıyńdar: árbіr qııanat jasaýshy qııamet kúnі qııanatynyń mólsherіn tanytý úshіn baıraq kóterіp júredі. Qııanattyń úlkenі – ákіmderdіń jalpy halyqqa іstegen qııanaty. Aqıqatty bіlgen kіsіnіń sony aıtýyna basqalardyń ǵaıbat sózі bóget jasamasyn. Bіlіp alyńdar: dіn úshіn bolatyn soǵystyń abzaly – zalym patshanyń aldynda aıtylǵan haq sóz. Esіńde bolsyn: ómіrіńnіń qalǵan bólіgі ómіr súrіp otyrǵan kúnіńnіń qalǵan bólіgіne uqsaıdy.
- Áýelі anańa, taǵy da anańa, taǵy da anańa, sodan soń Otanyńa jaqsylyq jasa.
- Alla – sulý, sulýlyqty jaqsy kóredі.
- Alla – keshіrіmpaz, keshіrіm jasaǵysh adamdardy ózіne dos sanaıdy.
- Alla – jomart, jomarttardy dos tutady. Mіnezі jaqsy adamdardy unatyp, mіnezі jaman adamdardy jek kóredі.
- Qazylar zalymdyq jasamasa, Alla solarmen bіrge bolady. Eger zalymdyǵyn sezіp qalsa, ózі qashyqtap, shaıtandy qaldyryp ketedі.
- Alla menіń úmbetterіmdі qısyq jolǵa bastamaıdy, Alla kópshіlіkke kómektesedі. Kіm kópshіlіkten ajyrasa, tozaqqa bet alǵany deı ber.
- Alla senderdіń syrt kórіnіsterіńe nemese dáýletterіńe qarap emes, nıetterіńe, іs-áreketterіńe qarap baǵa beredі.
- Alla buzyqtyq jasaǵan, uıatsyz sózderdі sóıleı salatyn arsyz adamdardy jek kóredі.
- Alla dostaryna qabaǵyn ashpaı, túksıіp qaraıtyndardy jaqtyrmaıdy.
- Alla qaıǵy-qasіrettі adamdarǵa járdemdeskenderdі dos tutady.
- Alla árbіr іste sypaıylyqty jaqsy kóredі.
ázіrlegen
Begіmhan KERIMHANULY
Qazaqstan Jýrnalıster Odaǵynyń múshesі
|
