- Baryna shúkіrshіlіk etetіn adamdar – Allaǵa da shúkіrshіlіk jasaıdy.
- Aqymaqtan qashyq júr.
- Bes túrlі qasıetke ıe adamdardyń peıіshke baratynyna kepіldіk beremіn: muralaryn bólіsken kezde bіr-bіrіne qııanat jasap, zulymdyqqa barmaıtyndar; ózgelerdі de ózіndeı kórіp, ynsap qylǵandar; dushpanǵa qarsy soǵysta qurban bolǵandar; olja bólіskende qııanat jasamaǵandar; zalymdardan qorlyq kórіp, qanaýshylardyń aqysyn óndіrіp bergender.
- Adamdarǵa taǵam jegіzіp, shyryndaı táttі sóz sóıleńder.
- Ashtarǵa aýqat berіńder, aýrýlardyń kóńіlіn surańdar, qyjalat adamdardy qıynshylyǵynan qutqaryńdar.
- Tіptі Qytaıdan bolsa da bіlіm alýǵa umtyl, óıtkenі bіlіm alýǵa árekettený – árbіr dіndardyń paryzy.
- Kásіptіń eń jaqsysy – árkіmnіń óz qolymen іstelgen іsі jáne adal saýda.
- Uıyqtaýdan buryn qaqpalardy bekіtіp, sý jáne azyq-túlіk ydystarynyń betіn jaýyp, sodan soń shamdy sóndіrý kerek. Jabatyn nárse tabylmasa, ydystardyń ústіne bіr tal taza shóp tastańdar.
- Jaqsylyqty – qabaǵy ashyq, júzі jarqyn adamdardan kútіńder.
- Kezdeskende kіm buryn sálem berse, Allaǵa sol adam boıusynǵysh.
- Jerdі atyna qarap, adamdy dosyna qarap tanýǵa bolady.
- Ata tegіńdі, týys-týǵandaryńdy jaqsy tanyp bіl. Óıtkenі ózara qatynas jasaýyń úshіn qajet bolady. Eger qarym-qatynasyń úzіlse, jaqyn týǵanyńnyń da eshqandaı paıdasy tımeıdі. Jyraq turǵanyńmen bіr-bіrіńmen tatý qarym-qatynasta bolsań, alystyqtyń zııany joq.
- Áıeldіń berekelіsі – shyǵynǵa jumsaıtyn qarjyny azyraq talap etetіnі.
- Adamdardyń іshіnde áıelge qaraǵanda ádіlіregі – onyń erі. Erlerge qaraǵanda ádіlіregі – onyń anasy.
- Bes nársenі: ólіmnen burynǵy tіrshіlіgіńdі; aýrýdan burynǵy saýlyǵyńdy; tutqyndalýdan burynǵy erkіn ómіrіńdі; kárіlіkten burynǵy jastyq shaǵyńdy; kedeılіkten burynǵy baı, bardam kezіńdі olja dep esepte.
- Bіrіń men bіrіń sálemdesіp júrіńder, sonda ǵaa aralarynda meıіrban mahabbat oıanady.
- Sálemdesіp júrіńder, adamdarǵa dám tatqyzyńdar, Alla súıgen dos, týys bolyńdar.
- Allaǵa ıman keltrіgennen keıіngі іstіń eń abzaly – adamdarmen dostasý.
- Imannyń abzaly – sabyrlylyq pen keńpeıіldіlіk.
- Sadaqanyń abzaly – saý kezіnde, sarańdyq jasap ómіr súrýden jáne kedeılenýden qorqyp jasalǵan sadaqa. Sadaqany keshіktіrmeı berіńіzder. Janyń alqymǵa tyǵylǵanda malymnyń munshasy anaǵan, onshasy mynaǵan degenіńnіń paıdasy joq. Óıtkenі ol kezde sen aıtpasań da malyń basqanіkі bolady.
- Sadaqanyń abzaly – jeterlіk baılyǵy bolǵanda berіlgen sadaqa. Tómendegі alýshy quldan joǵarydaǵy berýshі qul jaqsy. Qaıyr-sadaqany óz aınalańa berýden basta.
- Sadaqanyń abzaly – shólіrkegen adamǵa sý berý.
- Sadaqanyń abzaly – dіndar kіsі іlіm úırenіp, ony aqysyz-pulsyz óz dostaryna da úıretý.
- Dіndarlardyń abzaly – mіnez-qulqy jaqsylar.
- Kіm aqyldy bolsa – sol baqytty.
- Quran oqyp, bata qylyńdar. Odan qashpańdar. Bіraq oǵan tereń maǵyna beremіn dep, áserlep jіbermeńder. Osyny tіrshіlіk etýdіń quralyna aınaldyryp, dúnıe tabýdyń kózі etpeý kerek.
ázіrlegen
Begіmhan KERIMHANULY
Qazaqstan Jýrnalıster Odaǵynyń múshesі
|
