БАТА-ТІЛЕКТЕР

Алтынға балар тастарың,

Алтайың бағың – асқарың.

Соның күллі қызығын

Көре берсін жастарың!

Біріңе-бірің қорған бол,

Бүлінбесін бастарың.

Темір торға түссең де,

Дос-жаранды сатпағын!

Жұлдызың жансын төбеңде,

Бірақ асып-таспағын!

Қариялар ақылмен

Елді ілгері бастағын!

Тосқауылға торықпай,

Жолдан алып тастағын!

Көк желкесі үзіліп,

Жер жастансын қастарың!

Айың тусын жарқырап,

Нұрға толсын аспаның!

* * *

Сарыбай бидің Жамбылға берген батасы

Ау, Жамбыл, бата сұрап келіп қапсың,

Қобыз тастап, қолыңа домбыра апсың.

Өлеңіңнің арасынан қыл өтпесін,

Алдыңнан інжу-маржан өзен ақсын.

Жамбыл-ау, Екей елі – өлең деген,

Жел сөзге әрбір қазақ елеңдеген.

Көзіңде – от, көкірегіңде жырың тұнық,

Түбінде ақын шығад сенен кенен.

Екецйдің аты шыққан өлеңменен,

Ірі ақын мойны озық көрем сенен,ъ

Сүйінбайдың сөзін жалғар – алтын көмбе,

Батамды түбі саған берем деген.

Ер бол!

Елдің өзегі бол!

Ел-жұрттың жүрегі бол!

Көпті ойлар тірегі бол!

Көпшілікпен көбейесің

Арқа сүйер, білегі бол!

Жұртым десең жарылқасын

Менің берер тілегім сол!

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі