БАТА-ТІЛЕКТЕР

Халық бата-тілегі

Отауларың от болсын,

Бақыт-байлық көп қонсын.

Ұрпақты боп иләйім,

Еш қам-қайғы жоқ болсын!

Пейілдерің тарылмасын,

Есіктерің жабылмасын.

Сыйлы қонақ күнде кеп,

Төрлеріңе дамылдасын!

Өмірлерің бал болсын,

Ұрпақтарың нар болсын.

Ата-баба аруағы,

Өздеріңе жар болсын!

Аллауакбар!

* * *

Шаңырақтарың шайқалмасын,

Бақ-дәулеттерің ортаймасын.

Жаратқан Иең жар болып,

Не сұрасаң да қайтармасын!

Шаңырақтарың сыйлы болсын,

Отбасыларың дулы болсын.

Қоныстарың нулы болсын,

Өрістерің сулы болсын!

Аллауакбар!

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі