Жуырда сайт бетінде мұғалімдер арасында пән олимпиадасының аудандық туры өткенін хабарлап едік. Онда жаратылыстану-математикалық бағыттағы пәндер бойынша аталмыш сын Интернет арқылы қашықтық түрде ұйымдастырылғанының қоса айтқанбыз. Бірақ оның нәтижесі әзірге белгісіз болған-ды. Келген қорытынды көңілден шықты, өйткені географиядан тіркеліп, орындаған тапсырмаларын жіберген Елеусізова Н.М. жеңімпаздар қатарынан табылып, облыстық олимпиадаға жолдама алды. Бәрекелді!

Облыстық дода Еуразиялық инновациялық университетте наурыздың 4-інде өткізілді. Осынау сында аудан намысын Елеусізова Н.М. қорғап келді. Бұл - біздің мектеп үшін бірегей жетістік, абырой һәм даңқ!