ЖАСЫ 30-ДАН АСҚАН АДАМДАРҒА МИ ЖҰМЫСЫН ҚАЛАЙ ЖАҚСАРТУҒА БОЛАДЫ?

Америкалық ғалымдар жасы 30-дан асқан адамдарға ми жұмысын қалай жақсартуға болатынын айтты. Олар зерттеу нәтижелерін The Journals of Gerontology басылымына жариялаған. Мамандардың пікірінше, ми қашан да жұмыс істеп, оған салмақ түсіріп отыру керек екен. Оңтүстік Флорида университетінің ғалымдарының айтуынша, 30-дан асқан адамдар бір күнде түрлі іспен шұғылдануы қажет. Мысалы, тамақ әзірлеп, теледидар көруі немесе кітап оқып, спортпен айналысулары керек. Алайда зерттеушілер мұндай әрекеттің өзі миға аздық етеді дейді.

Мамандар жалпы осыдан 10 жыл бұрын 34 және 84 жас аралығындағы 732 адамға зерттеу жасап көрген.

Он жыл өткеннен соң олар дәл осы зерттеуді әлгі адамдарда тағы да жасап көрген. Үнемі бір іспен айналысқан, мысалы, тілді ұзақ жылдар бойы меңгерген адамдар күнделікті тірлікпен айналысатын адамдарға қарағанда миларының жақсы жұмыс істейтінін дәлелдеген.

Сонымен қатар ғалымдар көп жылдар бойы күнделікті әрі жоспарлы түрде айналысатын дағды интеллектуалды әрі әлеуметтік дағдыны қалыптастыратынын, ао өмірлік тәжірибе мен білім Альцгеймер ауруының алдын алуға көмектесетінін дәлелдеген.

Бұдан бөлек мамандар дағдылы бір іс адамдарға есте сақтау қабілетінің артуына, жадыны дамытуға, ақпаратты қабылдау және оны саралау дағдыларын дамытуға септігін тигізетінін айтады. (жалғасы бар)

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі