МИДЫ ҚАЛАЙ ТЫНЫҚТЫРУҒА БОЛАДЫ?

Қазіргі қоғамдағы қарбаласты білесіз. Бұл адамды шаршатады. Қоршаған орта, бітпейтін мәселелер, тіпті қолыңыздағы ұялы телефонның өзі сіздің миыңызға салмақ түсіруі мүмкін. Қарапайым демалыс шаршағанды басқанымен де, миға түскен салмақтан арылтпайды.

Кейде сырт қарағанда бәрі жақсы сияқты сезінетін кейбір адамдардың сіркесі су көтермей, үнемі жүйкелері жұқарып жүретінін көріп жүрміз. Мұның бәрі миға көп салмақ түсуден болады. Сондықтан демалыс күндері тынығудың оңтайлы жолын қарастырып, миды да тынықтырып алу керек. Ол келесі күндері миың өнімділігін қамтамасыз етеді.

Миды қалай тынықтыруға болады? Енді осы мәселеге тоқтала кетейік.

1. Кешкі асты ертерек ішу керек және ол майлы тағам болмағаны абзал. Жеңіл кешкі ас жақсы ұқйытауға, миды тынықтыруға көмектеседі.
2. Құран немесе мағыналы ән тыңдаңыз. Ғалымдардың зерттеуінше, баяу, әуезді ән тамыр соғысын бәсеңдетіп, қан қысымын төмендетеді. Миды тынықтырып, қуаттауға көмектеседі.
3. Алма шырынын көп ішу керек. АҚШ ғалымдары: «Алма шырыны ағзадағы нейромедиаторлар санын көбейтеді. Ол еске сақтау қабілетін арттырады» дейді. Сондай-ақ алма шырыны альцгеймер ауруының алдын алады.
4. Кітап оқу қажет. Кітап оқу миға психикалық күш түсіру әрекетін 68 пайызға азайтады.
5. Белгілі бір хоббимен айналысу қажет. Хобби күнделікті проблемалар мен күйзелістерден адамды арылтады.
6. Массажға бару керек. Массаждың ми мен денеге пайдасы зор. Массаж мидың дұрыс жұмыс істеуіне септігін тигізеді.
7. Табиғат аясында көп қыдыру қажет. Таза ауада демалу миды жаңа энергиялармен қуаттайды. Еске сақтау қабілетін арттырады.
8. Бір мезетте бірнеше жұмыс атқармау қажет. Ол миға қатты әсер етеді. Адамның зейін қою қабілетін төмендетеді. Сондай-ақ күйзеліске ұшыратуы да мүмкін.

Үздіксіз қимыл-қозғалыс мидың дамуына 75% көмектеседі. Таза ауада жүру, серуендеу дене қозғалысы миға жақсы ойлар тудырады, жақсы шешім қабылдауға көмектеседі. Адам үйге тығылып алып, тар ауаны жұтып бір нәрсеге нақты шешім қабылдай алмайды. Мұндай кезде адам қателікке ұрынады. Ал адам жүретін болса, онда ми отырған кездегіге қарағанда, аяққа тұрып қозғалған кезде 10%-15% артығырақ жұмыс жасайды. Мысалы, Сократ жүру арқылы пікірлер тудырып отырған. Міне, сол себепті спортпен шұғылдану мидың жұмыс қабілетін арттыруға тікелей әсер етеді.

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі