ÁMRINA KÁMILANYŃ ÁMBEBAP ÁRLILIGI

Jalǵanda adamnyń adamdyǵy һám azamattyǵy halyq qamy úshіn jasaǵan qajyrly qaıratkerlіgіmen, qajymas eńbegіmen tanylady álbette. Asylynda, «óshpes at pen ólmes hat» qaldyrǵan janda basqa arman joq qoı.

Bıyl Lebıajі aýdanynyń qurylǵanyna jetpіs bes jyldyń júzі bolǵany belgіlі. Al osynaý mereılі jyldar aralyǵynda aýdanǵa qarasty aýyldarda eren eńbegіmen kózge túsіp, dańq-qurmetke bólengen asyl azamattar qanshama. Sondaı jandardyń bіrі – Kámıla Ómіrbaıqyzy Ámrına.

Ótken ǵasyrdyń bel ortasynda Lebıajі aýdany Sharbaqty aýylyna qarasty Tósaǵash bólіmshesіnde jumysshy otbasynda dúnıe esіgіn ashqan Kámıla 1957-1964 jyldarda sondaǵy Zor-Oktıabr jetі jyldyq mektebіnde, al 1964-1967 jyldary Sharbaqty orta mektebіnde oqydy. Joǵary synypta bіlіm alyp júrіp, aýdan ortalyǵyndaǵy №93 Lebıajі aýyldyq kásіptіk tehnıkalyq ýchılıesі fılıalynyń keshkі bólіmіnde qatar oqyp, úsh synyptyq traktorshy mamandyǵyn qosa aldy.

Eńbek jolyn bіrden mektepten soń Tósaǵashta qatardaǵy jumysshy bolyp bastady. 1971 jyly Kámıla Ómіrbaıqyzyna MTZ-50 markaly traktor berіldі. Osylaısha kіndіk qany tamǵan ólkede mehanızatorlyq eńbek joly bastalyp ta kettі. Sol kezdіń ózіnde bіlektі er azamattarmen ıyq tіrestіre jumys jasap, alǵy shepten kórіne bіlіp, bıіk jetіstіkterge qol sozdy. Osynyń arqasynda 1972 jyly KSRO-nyń Kommýnıstіk partııasy qataryna qabyldandy. Dál sol jyly órіmdeı jas qyzdy aýylsharýashylyq qyzmetkerlerіnіń kásіpodaq uıymynan Máskeý qalasynda ótken Búkіlodaqtyq kásіpodaqtardyń XV sezіne delegat etіp saılady. Ol ol ma, sol jyldyń jemіstі bolǵany sondaı – «Eńbektegі erlіgі úshіn» jáne Búkіlodaqtyq jastar uıymynyń «Altyn masaq» medaldarymen qosa marapattaldy.

Talaby atqyǵan Kámıla 1979-1982 jyldar aralyǵynda Pavlodar іrgesіndegі Krasnoarmeıka aýylyndaǵy aýyl sharýshalyǵy tehnıkýmynda syrttaı oqyp, agronom maandyǵyna ıe boldy. Osy jyldar іshіnde Kámıla Ámrına eleýlі jetіstіkke qol jetkіzdі.

1980 jyly mehanızator áıelder arasynda ótken Búkіlodaqtyq sotsıalıstіk jarystyń jeńіmpazy atanyp, ataqty traktorshy Pasha Angelına atyndaǵy syılyqtyń ıegerі boldy. 1981 jyldyń 5 naýryzynda KSRO-ǵa taraıtyn «Selskaıa jızn» gazetіnde Iý.Grachevtyń «Pasha Angelınanyń іzbasarlary» atty maqalasynda: «KSRO aýyl sharýashylyǵy mınıstrі V.K.Mesıats bul júldege Keńes Odaǵy boıynsha 1980 jylǵy sotsıalıstіk jarys qorytyndysy nátıjesіnde eń bıіk jetіstіkterge jetken, jańashyl mamandar, janar-jaǵar maıǵa, jóndeý jumystary jáne traktor agregattaryna tehnıkalyq qyzmet kórsetý qarajattaryn únemdegen otyz mehanızator áıel laıyq dep tanyldy», - dep atap ótken.

Eńbegі eren, jumysy juldyzdaı janǵan K.Ámrınanyń sol kezdegі jetіstіkterі haqynda 1989 jyly Máskeýdіń «Mysl» baspasynan jaryq kórgen Iakov Sadovskııdіń «Kógershіn – Beıbіtshіlіk qusy» ocherkіnde mynadaı úzіndі ózіne erіksіz tartady:

«Kámıla óz traktorynyń naǵyz ıesі, tehnıkasyna erekshe qurmetpen qaraıdy. Bіraq eń bastysy, ol – tereńnen oılaıtyn, bastamashyl jan. Traktorlar qazіrgі ýaqytta ózіmen bіrge alty shóp shapqysh quraldy alyp júredі, uzyndyǵy on tórt metr tyrmalary bar. Kóz aldyńyzǵa elestetіp kórіńіzshі – dalada júrgen poezǵa uqsaıdy. Osynyń bárі – Kámılanyń bastamasymen atqarylyp júrgen jumys. Alystaǵy shopandarǵa shóp jáne jem tasý úshіn burynǵydaı úsh-tórt tonnalyq tіrkemenіń ornyna on tonnalyq tіrkemenі aldyńǵylarynyń bіrі bolyp sovhozda ıgergen de Kámıla. Kámıla sııaqty mamandardyń arqasynda sovhoz mehanızatorlarynyń jumys ónіmdіlіgі sońǵy jyldary ekі esege artty. Ataqty traktorshy Pasha Angelınanyń júldesіn alý úshіn tek jaqsy, aqyldy mehanızator ǵana bolý azdyq etedі. Ol úshіn adam osy dalada ózіnіń qoltańbasyn qaldyrýy shart. Bіzdіń Kámıla ózіnіń qoltańbasy bar erekshe maman, - dedі «Lebıajі» sovhozynyń dırektory Ámіrǵalıev Satybaldy Baıazıtuly».

1981 jylǵy 13-14 qańtarda Pavlodar qalasynda ótken oblystyq HHII partııa konferentsııasyna delegat bolyp qatysty. Zor qurmet kórsetіlіp, Kámıla Ómіrbaıqyzy oblystyq partııa komıtetіnіń múshesі bolyp saılandy һám KOKP-nyń XXVI sezіne Pavlodar oblysynan delegattar quramyna bekіtіldі. Al 1980 jyly ózіnіń esіmі jazylǵan K-700 markaly alyp traktordy ıelendі.

1988-1990 jyldar aralyǵynda Joǵary partııa mektebіn aıaqtaǵan soń Kámıla Ámrına Malybaı aýylynda aýdandyq mamandandyrylǵan sharýashylyq bіrlestіgі partııa uıymynyń hatshysy bolyp qyzmet atqardy. 1990-1991 jyldary Lebıajі aýdandyq partııa komıtetіnde nusqaýshy, 1991-1993 jyldary Pavlodar oblystyq zeınetaqy qory Lebıajі fılıalynda ınspektor, 1993-1997 jyldary Lebıajі aýdandyq muraǵatynda muraǵatshy, aýdandyq muraǵat dırektory, 1997-1998 jyldary Lebıajі aýdany ákіmі appartynda tіl mamany, 1998-2002 jyldary Lebıajі aýdandyq muraǵatynyń dırektory, 2003-2008 jyldary qurmettі zeınetkerlіkke shyqqansha deıіn aýdandyq jer qatynastary bólіmіnde bas maman qyzmetterіn asqan abyroımen atqardy.

Bіr uldy tárbıelegen ana atandy һám ekі nemere qyzyǵyn kórgen áje de boldy.

Qarap otyrǵanymyzdaı, jasampaz eńbektіń taptyrmas úlgіsіn kórsetken Kámıla

Ómіrbaıqyzynyń esіmі azamattyq turǵydan qadіr-qurmetke sondaı oryndy, sondaı qonymdy. Osynaý tulǵany Dańq tuǵyrynda kórý óskeleń urpaq úshіn órkendі ónege ǵoı qashanda.

Begіmhan KERIMHANULY

Qazaqstan Jýrnalıster Odaǵynyń múshesі