ТҮБІНДЕ БАЯНДЫ ЕҢБЕК, ЕГІН САЛҒАН...?

(«Әбдірахманға Кәкітай атынан хат»)

Абайдың кейін табылған өлеңі. Көлемі 4 жол. Өлеңді 1940 жылы Қ.мұхаметханов Семейде тұратын Ташмұхамбет деген қариядан жазып алған. Абай өлеңінде «Би болған, болыс болған өнер емес» деу арқылы мансап армандамай, мақсат қууды уағыздайды. Жасынан оқу оқып, білім алған адам ғана ұлтының ұлы болатындығын айтып, жас ұрпақтың өмірлік мақсаты осы екенін ескертеді. Өлең 11 буынды қара өлең үлгісінде жазылған. Алғаш рет ақынның 1945 жылы жарық көрген толық жинағында жарияланды.