АБАЙМЕН СҰХБАТ

Абай ата, бұл қара сөздерді не үшін және кімдерге арнап жаздыңыз?

Мен жазбаймын өлеңді ермек үшін,

Жоқ-барды, ертегіні термек үшін.

Көкірегі сезімді, тілі орамды,

Жаздым үлгі жастарға бермек үшін.

Сонда бұл қара сөздерді жазудағы түпкі мақсатыңыз қандай?

Мақсұтым – тіл ұстартып, өнер шашпақ,

Наданның көңілін қойып, көзін ашпақ.

Адамның өмірдегі мақсаты не деп ойлайсыз?

Әсемпаз болма әрнеге

Өнерпаз болсаң, арқалан.

Сен де – бір кірпіш дүниеге,

Кетігін тап та, бар, қалан!

БІРІНШІ СӨЗ

(бұрынғыш үшінші сөз)

ҚАЗАҚТАР НЕГЕ

бір-біріне қаскүнем, бірінің тілеуін бірі тілеспейді, рас сөзі аз, қызметке таласқыш, өздері жалқау?!

Осылар біріне-бірі достық ойлай ала ма?

Мұның бәрі төрт аяқты малды (қазіргіше ақшасын) көбейтеміннен басқа ойының жоқтығынан.

Бұл халықты рухани азғындатып, қоғамды дағдарысқа әкелетін жол.

Диванбатырдың сипаттары: ӨНЕРСІЗ, ДОССЫЗ – СҰРАМСАҚ, ТОЙЫМСЫЗ – НАДАН, АРСЫЗ – ҚОРҚАҚ, МАҚТАНШАҚ – ЖАЛҚАУ.

Өзгені емес, өзіңді түзет.

Адам өзгерсе – қоғам да өзгереді.

Бас-басына би болған өңкей қиқым,

Мінеки, бұзған жоқ па елдің сиқын?

Өздеріңді түзелер дей алмаймын,

Өз қолыңнан кеткен соң енді өз ырқың.

Би (басшы) екеу болса, дау – төртеу болады.

ҚАЙТСЕК ЕЛ БОЛАМЫЗ?

Ел түзелуі үшін әуелі адам түзелуі керек.

Адам түзелуі үшін адал еңбек, ақ жүрек, арлы ақыл керек.

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі