Мектептегі мерекелік шара

САРБАЗ КОНВЕРТІ

Осындай атпен осы жылдың 7 мамырында Бесқарағай жалпы орта білім беретін мектебінің мәжіліс залында Қазақстан Республикасы Отан қорғаушылар күніне және Ұлы Жеңістің 64 жылдық мерекесіне арналған 5 – 9 сыныптар аралығында байқау ұйымдастырылды. Атаулы шара соғыс, Отан қорғау, Бейбітшілік тақырыбын қамтыған ән шырқау менен өлеңді мәнерлеп жатқа оқу номинацияларынан құрылымдалды.

Ән шырқау жолында 5 орыс сынып оқушыларының триосы «Землянка», 5 қазақ сынып оқушыларының хоры «Қырандар», 7 қазақ сынып оқушысы Ерсайынов Нариман «Катюша», 8 қазақ сынып оқушыларының хоры «Ақ кептерлер», 9 қазақ сынып оқушыларының хоры «Мен соғысты жек көремін» атты әндерін гармонь, эстраданың сүйемелдеуімен шырқады. Нәтижесінде бірінші орынды Ерсайынов Н. һәм 8 сынып оқушылары өзара бөліссе, екінші жүлдені 5 сынып оқушылары қанжығаларына байлады, ал үшінші орынды 5орыс және 9 сынып оқушылары қанағат тұтты.

Ал көркемөлең оқуда бас жүлдені 9 қазақ сынып оқушысы Темірғалина Ақмарал (М.Мақатаевтың «Қариялар азайып бара жатыр» өлеңі), екінші тұғырды 5 қазақ сынып оқушысы Батырханова Әнел, ал үшінші орынды 5орыс сынып оқушысы Смакотина Евгения және 6 қазақ сынып оқушысы Қандыбаева Жадыра жеңіп алды.

Байқау барысында 6 һәм 7 сынып оқушылары Отан қорғаушылар өмірінен көрініс беретін тамаша билер орындап берді.

ИБРАҺИМ-ШАҺМАНТЕГІ Бегімхан КЕРІМХАНҰЛЫ