СҰРАҚ-ЖАУАПТАР

Дәстүрлі сұрақ-жауап

- Дінің не?

- Ислам.

- Кітабың не?

- Құран.

- Құбылаң қайда?

- Мекке-Шәріп.

- Кімнің құлысың?

- Тәңірдің құлымын.

- Кімнің ұрпағысың?

- Адам ата мен Хауа ананың ұрпағымын.

- Кімнің қауымынансың?

- Әзіреті Ыбырайым пайғамбардың қауымынанмын (ұл бала).

- Бибіажар анамыздың қауымынанмын (қыз бала).

- Кімнің үмбетісің?

- Әзіреті Мұхамбет пайғамбардың үмбетімін.

- Кімнің досысың?

- Төрт шадиярдың досымын.

- Кімнің мазхабындасың?

- Имам ағзам Әбу Ханифаның мазхабынанмын.

- Кімнің сеніміндесің?

- Әбу Мансұр Матуридидің сеніміндемін.

- Кімнің силсаласындасың?

- Әзірет Сұлтан Қожа Ахмет яссауидің силсаласындамын.