ЭЛЕКТРОНДЫ КІТАПТАРДЫ ОҚУҒА БОЛАТЫН САЙТТАР:
- Epub.kz сайтында қазір көптеген қазақ қаламгерлерінің электронды кітаптары жинақталған.
- Одан бөлек WikiBilim Қоғамдық қорының kitap.kz жобасы іске қосылды. Мұнда да қазақтың біраз қаламгерлерінің кітаптары самсап тұр. Сонымен бірге нарықтағы ақылы кітаптардың электронды нұсқасы бар. Бұл қосымша тегін қызмет көрсетеді.
- AudioKitap – қазақ және әлем әдебиетінің үздік шығармаларын тыңдау мүмкіндігін ұсынатын ауқымды онлайн платформа. Мұнда ұлттық әдебиетіміз бен отандық ғылымның, өнеріміз бен сан саладағы шығармашылық өкілдеріміздің жәдігерлері заңды негізде жинақталған.
- Google Books – іздеуге болатын жүз мыңдаған тегін және сатып алуға болатын кітаптар журналдар бар ақысыз Google қызметі. Бұл сайттан шетелдік кітаптарды таба аласыз.
- MyBook қосымшасы – электронды кітаптарды жүктеп алуға арналған кітапхана. Бұл жерде кітаптарды жүктеп алып оқи аласыз. Сонымен қатар, аудиокітаптар да бар. Бұл қосымша ақылы.
- ReadEra қосымшасы. Бұл жерде кітаптарды әртүрлі форматта – FB2, PDF, EPUB, WORD, TXT және т.б. оқи аласыз. Қосымша ақысыз жұмыс істейді. Бірақ тек смартфоныңызға жүктелген кітаптарды ашады.
Электронды кітаптарды табуға, жүктеуге арналған Телеграм-каналдар:
- @kzkitap «Қазақша кітаптар» телеграм арнасы, қазақ және әлем авторлардың кітаптары, электрондық нұсқада. Жаңа әдеби кітаптар жиі салынып тұрады.
- @kitapsuyer каналынан қазақ, орыс тіліндегі кітаптарды таба аласыз. Көбінесе қазақ әдебиетіндегі кітаптар шығады.
- «Книги по психологии» деген каналдан орысша психологиялық кітаптарды таба аласыз. Кітап қоры өте мол.
- @SonmiBot деген бот бар. Оған өзіңіз іздеген кітаптың атын немесе автордың атын жазсаңыз, іздегеніңізді тауып береді.
баспаға әзірлеген
Бегімхан Ибрагим (КЕРІМХАНҰЛЫ) >>
Ақсу қаласының Абай атындағы ЖОББ мектептің қазақ тілі мен әдебиеті мұғалімі
Павлодар облысы
Қазақстан Журналистер Одағының мүшесі
| 