КІТАП ОҚЫП ОТЫРЫП МУЗЫКА ТЫҢДАУ

Бұл сұраққа әркім әрқалай жауап береді. Біреуге музыка оқып жатқан ақпаратты қабылдауға кедергі болады екен. Ал енді біреуі керісінше, музыка басқа нәрсеге алаңдатпай, барлық фокусты сабаққа, кітапқа, тапсырмаға қоюға көмектеседі екен.

Зерттеуші Келвин Браун «Музыка және Әдебиет» атты еңбегінде мынадай қорытынды жасады: музыка оқу барасында адамға танымдық жағынан емес, эмоционалдық жағынан көмектеседі.

Ал Кетрин Вагнер атты ғалым музыка тыңдап оытырып, сабақ немесе кітап оқитын адамдар ондағы ақпаратты басқалардан тезірек қабылдайтынын дәлелдепті. Бірнеше адаммен жүргізілген әртүрлі эксперименттің арқасында осындай қорытындыға келген.

Айта кететін жайт: сөзі бар әндерден гөрі, жай ғана мелодия, классикалық әндер немесе мелодиясы да, сөзі де баяу әндер ғана оқуға көмектеседі. Себебі жылдам әрі көңілді, әрі сөзі қатты естілетін әндер кедергі жасайды.

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі