КІТАПТЫ ӘДІС-ТӘСІЛСІЗ ОҚУҒА БОЛА МА?

Әрине, болады.

Кез келген шаруаның ретін тапсаң, көбірек өнім, нәтиже береді. Абай атамыз «Ісім өнсін десең, ретін тап» дейді. Істің ретін тапқан адам күш-жігерін шығындамай, жүйелі, нәтижелі жұмыс жасайды. Қарапайым үй ішін жинағанда, көлікті жөндегенде құралың болмаса ісің өнбей қояды. Кітап оқу да тура солай. Ебін таппасаң, кітап оқу миға қиындық тудырады. Кітап оқудың ебін табу дегеніміз – әдіс-тәсілмен оқу.

Кітапты әдіс-тәсілсіз оқу сізді мынадай кедергілерге кезіктіреді:

• Соңына дейін оқымау;
• Ұйқының келуі;
• Кітапқа деген қызығушылықтың жоғалуы;
• Кітапты ұзақ уақыт оқу;
• Не оқитыныңды білмеу,
• Оқығаныңды лезде естен шығаруға апарып соғады.

Кітап оқығанда арнайы әдіс-тәсіл қолданыңыз, тиімді оқу жүйесі қалыптасады. Қолыңыздағы кітап сізге кітапты дұрыс таңдаудан бастап, кітапты тиімді оқуға арналған тәсілдер, жылдам оқу, есте сақтауға арналған әдіс-тәсілдері үйретеді.