БІР ЖЫЛДА 100 КІТАП ОҚУ ҮЛГІСІ

Сұрақ: Мұндай кестені қалай жасаймыз?

Жауап: мұндай кестені қарапайым Excel, Google кестеде жасауға болады. Сол арқылы сіз қайда жүрсеңіз де қалта телефоны, компьютер арқылы кез келген жерден бақылап, басқара аласыз. Ең жақсысы: бес бағаннан тұратын кітап сөресін жасап алу. Сөренің есігі болмағаны, кітаптардың оқылу процесі көрініп тұрғаны жақсы.

«Оқып жатырмын» бағанының қызметі

Үшінші баған «Оқып жатырмын» деп аталады. Бұл бағанда оқып жатқан кітабыңыз болады. Бұл бағанда әр саладан бір кітаптан ғана болуы тиіс. Яғни сіз бір мезгілде төрт кітап оқи аласыз. Одан көбі көп боп кетеді. Неге бір мезгілде төрт кітап? Бір мезгілде бір кітапты тауысып, келесісіне көшуге болмай ма?

Өйткені бір кітаптан жалығуыңыз мүмкін. Ақпарат тым көп, ойланатын сәттер де көп болуы ықтимал. Ойды қорыту тағы бар. Әдебиет саласынан Оралхан Бөкейдің бір сөзін тереңірек толғап жүріп «Тіл үйрену» саласынан сөздік жаттау туралы материал оқып тастай аласыз. «Мотивация» бөліміндегі кітаптан 2-3 бет оқып, шабыттанып алуға да болады.

Оқу барысында біз кітапта баяндаған ережелер мен кеңестерді қолдануыңыз керек. Әсіресе, төрт түсті стикерлер міндетті. Қайталап кетейік, көк түс – сандар, фактілер; сары түс – есте сақтау керек ақпарат; жасыл түс – ойланып толғану керек ақпарат; қызыл – қолданысқа енгізу қажет ақпараттар. (жалғасы бар)

баспаға әзірлеген

Бегімхан Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектебінің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі