ФОТОЖАДЫ

Бұл дегеніңіз – кітапты суретке түсірумен бірдей. Бұл деңгейге жеткендер өте сирек болса да, бар. Вертикальді оқу тәсілін әбден меңгерген соң, көздің көру аймағын үлкейтуге күш салу керек. Бір қарағанда бір жолды емес, екіден, үштен, төрт жолдан көруге дағдылану қажет. Белгілі уақыт жұмыс жасағаннан кейін бір қарағанда бір бетті көре алатын қабілетті меңгересіз. Міне, мұны фотожады деп атайды. Былайша айтқанда, бейне бір фотоаппаратпен суретке түсіріп алғандай боласыз.

Бұл – жылдам оқудың соңғы әрі ең қиын тәсілі болып табылады. Егер бұл деңгейге жетсеңіз, онда қуаныштымыз. Алайда оның шарты да бар. Құранды жатқа білетін хафиздар күн сайын белгілі бір бөлікті қайталап отыру арқылы жаттағанын санадан өшірмейтін болса, фотожады тәсілін де әрдайым қолдану үшін жаттығуды тұрақты жасап отыру керек.

Егер кітапты ұл тәсілмен оқуды бірнеше айға доғарсаңыз, көздің көру аймағы кішірейіп, бұрынғы қабілетті жоғалтып алуыңыз мүмкін.

Төменде берілген жаттығуды орындаңыз. Мәтіннің ортасындағы қалың әріппен берілген сөзге қарап тұрып, барлық мәтінді көруге тырысыңыз.

баспаға әзірлеген

Бегімхан Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектебінің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі