ДӘСТҮР – ІЗГІ ҚОҒАМ НЕГІЗІ

Айттық

Ақиқатында, мұсылманның екі ұлық мерекесі – Құрбан айт пен ораза айт екені баршаға белгілі. Сол айт күндерін өскелең ұрпаққа өнеге болатындай етіп атап өту үлкендердің міндеті болмақ. Қазақ халқы ерте заманнан бастап, айт күні мерекелік дастарқан жайып, сәнді киімдерін киіп, хош иістерін сеуіп айттауды дәстүрге айналдырған. Үлкендермен еріп жас балалар да көрші-көлең, туған-туыстардың үйіне айттап барады. Айтта адамдар бір-біріне айттық береді. Айттық – айт күндері барған үйдің балаларына ұсақ-түйек сый-сияпат (ойыншық, ақша, кәмпит, т.б.) беру салты. Айттық беру – мерекенің мерейін асырып, береке-бірлікті нығайтады, балаларды мәз-мейрам қуанышқа бөлейді.

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі