Өмірзақов Әмин (1917) / Павлодар облысы Май ауданы Аршалы ауылында дүниеге келді. Ұлы Отан соғысына қатысушы. Еңбек жолын 1930 жылы Лебяжі ауданы Қарақала ауылында қатардағы жұмысшы болып бастады. 1941-1942 ж.ж. Кеңес Армиясы қатарына шақырылғанға дейін Лебяжі ауданының мал бордақылау шаруашылығында есепші, аудан жинақ кассасының меңгерушісі қызметінде істеді. 1942-1943 ж.ж. Кеңес Армиясы қатарына шақырылып, Сталинград майданындағы ауыр ұрыстарға қатысып, ауыр жарақат алуына байланысты елге оралды. 1944 жылы аудандық ұйымға хатшы қызметіне қабылданды. 1957-1963 ж.ж. Қарақала ауылына қарасты №23 жұмысшылар кооперативінде есепші-кассир қызметінде болды. «Ұлы Отан соғысының І дәрежелі» орденімен және түрлі медальдармен марапатталды.

 

Өмірбек Сабира Темірбекқызы (1950) / Ресей Федерациясының Алтай өңірінде дүниеге келді. 1969-1975 ж.ж. Павлодар педагогикалық институтының химия-биология факультетін тәмамдады. 1975 жылы Қазантай мектебіне химия-биология мұғалімі болып орналасты. 1989-2003 ж.ж. мектептің директоры лауазымын атқарды. Бірнеше рет мадақтамамен марапатталды.

 

Өміров Қалинұр Ботайұлы (1958 – 2009) / Лебяжі ауданы Лебяжі (қазіргі Аққу) ауылында дүниеге келді. 1975 жылы трактор жүргізуші мамандығы бойынша Лебяжінің орта кәсіптік-техникалық училищесін тәмамдады. Еңбек жолын 1975 жылы «Павлодарсельстрой» тресіндегі автобаза жүргізушісі болып бастады. 1979-1981 ж.ж. Лебяжі ауылында жүргізуші болып еңбек етті. 2001 жылдан бастап «Аққу-сервис» МКК-ның учаске бастығы болып қызмет атқарды. 2006 жылы «Ертіс орманы» МОТР ММ-нің Көкжал орманшылығының мемлекеттік орманшы-инспекторы ретінде жұмыс істеді. 2003 жылы Лебяжі аудандық мәслихатының депутаты болып сайланды.