Ілиясов Мұратхан Нұрмағамбетұлы (1951) / Лебяжі ауданы Шақа ауылында дүниеге келді. 1977 жылы Қазақ Мемлекеттік университетінің механика-математика факультетін тәмамдап, кейіннен Мәскеудің аспирантурасына түсті. Еңбек жолын Жезқазған педагогикалық институтынан бастады. Көп жыл Павлодар индустриалдық институтында жұмыс істеді. 2004 жылдан Павлодар Мемлекеттік педагогикалық институтында дәріс берді. Қазіргі уақытта Павлодар қаласында физика-математикалық дайындық орталығының директоры. Жоғарғы оқу орындарының студенттеріне арнап көптеген ғылыми жұмысты жазды.

 

Ібіжан Рымбай Байтөреұлы (1948 – 2011) / Павлодар қаласында дүниеге келді. Семей педагогикалық институтының тарих факультетін тәмамдады. Еңбек жолын Павлодар облысы Лебяжі аудандық «Ленин жолы» (қазіргі «Аққу үні») газеті редакциясында бастап, 1993-2011 ж.ж. аталмыш бұқаралық ақпарат құралының бас редакторы болып абыройлы қызмет атқарды.