Кітап жолдарына көз жүгіртіп отырған уақытта ойыңызға не келеді? Қандай жолдар жүрегіңізге жол таба алды? Сөздің сиқыры санаңызды жаулады ма? Осынау серияда сондай үзінділер беріледі.

Әлқисса...

Бір қызығы, өз өміріңнің ащы екенін басыңа іс түскен сәтте ғана мойындайсың. Былайғы уақытта, күніңнің көзін бұлт шалмаған кезде өмір жайлы ойланып не керек, онсыз да бәрі тамаша емес пе? Тек ежелгі әдетіміз бойынша, шалынып құлап жатып, қиналып жүріп, қабағымызға әлемнің бар ренішін байлап алып жүріп: «Өмір, сені сүйемін!» – дейміз іштей. Өзге адамның бәрі бекер өмір сүріп жүргендей көрініп, өзің қиналған сайын арқаланып, жаңа ерліктерге күн сайын тәуекел етеміз. Осындай сүйіспеншілікпен біздің өмір де өтіп жатыр…
Есей Жеңісұлы «Сендер бәрің жақсысыңдар, адамдар!..»

Бұл жалғанда азаматқа қолынан анық келер шаруасын тіршілік игілігіне үлгертіп жұмсай алмаудан артық қорлық жоқ екен ғой.
Өтен Ахмет «Адасқан ғасыр»

Қандай таңдау жасағанымыз, қандай шешім қабылдағанымыз кім екенімізді көбірек көрсетеді. Бойдағы қабілеттерден гөрі осы маңызды, Хәрри.
Хәрри Поттер, Жасырын бөлме

Жиырма жылдан кейін істеген нәрселеріңнен гөрі істемеген нәрселерің үшін бармағыңды тістейтін боласың.
Х. Джексон Браун-младший, «P.S. Я люблю тебя»

Дым істемеудің кесірінен ойыңды қорқыныш пен күмән басып алады. Ал әрекет етсең, сенімділік пен батылдық пайда болады.
Дейл Карнеги

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі