Кітап жолдарына көз жүгіртіп отырған уақытта ойыңызға не келеді? Қандай жолдар жүрегіңізге жол таба алды? Сөздің сиқыры санаңызды жаулады ма? Осынау серияда сондай үзінділер беріледі.

Әлқисса...

— Сонау алыстан бақыттың жүгін арқалаған керуен келеді, жақсылық толтырылған жүгі тым ауыр болғандықтан қадамын баяу алады. Олар саған келеді. Иә, саған келеді, — деді.
Лира Қоныс «Шахарбанудың сыңсуы»

Қасіреттің үлкені – дерексіздік, күдік, екі ойлылық, әйелімді сүю керек пе, жек көру керек пе, соны білмеу екен.
Лев Толстой «Крейцер сонатасы»

Өмір деген сол, мырзалар. Бір күнгідей болмай өте шықты...
Қабдеш Жұмаділов «Тағдыр»

Күн сайын әлдекімдермен алыспасаң, арпалыспасаң, тіреспесең, тіркеспесең, жықпасаң, жығылмасаң, онда мына шап-шағын ауылдың өзінде жер басып жүру, тіршілік ету мүмкін емес.
Немат Келімбетов «Күншілдік»

Адамды байлығына, мансабына қарай емес, алдына қойған мақсатына, ақыл-парасатына қарап бағалау керек.
Қабдеш Жұмаділов «Тағдыр»

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі