Кітап жолдарына көз жүгіртіп отырған уақытта ойыңызға не келеді? Қандай жолдар жүрегіңізге жол таба алды? Сөздің сиқыры санаңызды жаулады ма? Осынау серияда сондай үзінділер беріледі.

Әлқисса...

– Е... Балақай-ай... Балақай... Қазір кешірмегеніңді өскен соң, өмір көріп кешіресің де. Тағдыр дегенің қиын нәрсе. Сендер түгілі кейде біздің басымыз қатады. Қатқанда да қақырап кеткендей болатыны бар-ау. Сендерге не жорық, не сын...

Молдахмет Қаназ «Қияндағы күн нұры»

Бұл өмірден кәрі де кетіп жатыр, жас та кетіп жатыр, бүгінгі тірінің ертең марқұм боп, аласұрған әрекетінің бәрі әдіре қалғанын жұрт көріп жүр, біліп жүр, сонда да қанағат тұтып, атақ пен байлыққа, жалған намысқа көзі тойған емес.