Имбирь шайы бауыр айналасындағы майды ерітуге көмектеседі

Имбирь шайын дайындау үшін сізге қажет:

✅ табиғи бал

✅ 1 шай қасық ұнтақ куркума

✅ 1 шай қасық ұнтақ имбирь

✅ 1 стакан су

Дайындау тәсілі:

Куркума мен имбирь ұнтағын қайнаған суға салып, қақпағын жауып 15–20 минут тұндырыңыз. Сосын бал қосып, жақсылап араластырыңыз. Дайын болғаннан кейін шайды сүзіп, шыныаяққа құйыңыз.

Имбирь шайына даршын, кардамон, қалампыр сияқты түрлі дәмдеуіштер қосуға болады.

Бұл шай денені жақсы жылытады, ішкі жылуды сақтайды, сергітеді және қуат береді.

Мұндай шайды күнделікті рационыңызға қосуды ұмытпаңыз!

* * *

Егер қан қысымыңыз мазаласа

Кейде ауа райының өзгеруінен, денеге шамадан тыс күш түсуден немесе ұйқының қанбауынан тіпті салыстырмалы түрде дені сау адамның да артериялық қысымы жоғарылап кетуі мүмкін.

Рецепт:

2 шай қасық балға 1 шай қасық ұнтақ даршын қосыңыз.

Жақсылап араластырып, біртекті масса жасаңыз.

Осы қоспаны күніне 3 рет, тамақтан 1 сағат бұрын, 1 шай қасықтан қабылдаңыз.

📌 Емдеу курсы – 10 күн.

Қан қысымы жоғары адамдар үшін бұл құрал қысымды қалыпта ұстауға көмектеседі.

* * *

Жаңғақтар – жүрек, қан тамырлары мен ми үшін нағыз суперфуд

Бүгінде жаңғақтардың адам денсаулығына пайдасы еш күмән тудырмайды. Бұл өсімдік тектес өнімдер – қоректік заттарға (ақуыз, май, көмірсу) бай және қандағы липидтік профильге оң әсер ететін нағыз табиғи супертағам.

Ерлер мен әйелдер үшін:

Жаңғақты тұрақты тұтыну жүйке жүйесін тыныштандырады, сүйек тінін нығайтады, депрессияның даму қаупін азайтады, қалқанша бездің саулығын жақсартады, ерте қартаюдың алдын алады, тері, шаш пен тырнақ күйіне жақсы әсер етеді.

50 жастан кейін:

Жаңғақтардың құрамындағы антиоксиданттар созылмалы қабынуға қарсы күресіп, түрлі созылмалы аурулардың алдын алуға көмектеседі. Бұл – жастықты ұзартудың табиғи жолы.

Балаларға:

Жаңғақтардағы пайдалы майлар, ақуыздар мен микроэлементтер – өсу мен даму үшін өте қажет. Ал көмірсулар балалардың тәттіге деген қажеттілігін табиғи жолмен қанағаттандырады.

* * *

Толстянка – АҚША АҒАШЫ үйдегі жасыл дәрігер

Көп адам біле бермейді: өзінің пайдалы қасиеттері бойынша толстянка (немесе ақша ағашы) алоэден кем түспейді.

Жараларға қарсы:

Жапырағының шырыны мен жұмсағын жараларға, іріңді жерлерге, кесілген және тырналған теріге жағуға болады. Оның құрамындағы белсенді заттар тері жасушаларының қайта қалпына келуін жеделдетіп, қабынуды болдырмайды.

Созылу мен соғылуға қарсы:

Бұлшық ет пен сіңір созылғанда немесе көгеріп, ісіп кеткенде, толстянка жапырағының жұмсағынан жасалған компресс қабынуды басады және ауырсынуды жеңілдетеді.

Герпеске қарсы:

Еріндегі герпесті де осы өсімдіктің шырыны арқылы емдеуге болады. Ол үшін ерінді әр 30 минут сайын толстянка шырынымен майлап отырыңыз (шырыны ауыздың шырышты қабығына тимеуін қадағалаңыз).

* * *

Левомеколь не үшін пайдалы?

📌 Әр түрлі дәрежедегі күйіктерге

Левомеколь күйік түскен жердегі жараны өлі тіндерден жақсы тазартады.

📌 Іріңді жаралар мен терідегі ойықтар

Левомекольмен кез келген жараны өңдеуге болады – жәндіктердің шағуы, кесік, тілінген жер, тырналу, қажалу және т.б.

📌 Левомеколь гайморит пен құлақ ауруына қарсы

Егер сізде созылмалы тұмау болса, күніне 1–2 рет Левомеколь жағылған мақта таяқшамен мұрын жолдарын сүртіңіз.

📌 Безеуге қарсы Левомеколь

Левомеколь — безеуге қарсы өте тиімді құрал. Ол күшті бактерияға қарсы қасиетке ие және қабынуды жақсы жояды.

📌 Тіс қызылшасына арналған Левомеколь

Левомеколь тіс қызылшасын өңдеуге де жарайды. Стоматологиядағы ең жиі кездесетін мәселелердің бірі — пародонтоз. Асқыну кезінде тіс қызылшасы жұмсарып, босаңсып кетеді. Ашылған пародонтальді қалташаларға бактериялар түсіп, қабыну туғызады.

* * *

Картоп ФРИді енді ешқашан жемей жүрудің себептері

Семіздікке әкеледі

Картоптың өзі-ақ калорияға бай, ал фри дайындау үшін қолданылатын терең қуыру процесі оны одан әрі майлы әрі зиянды етеді.

Қант диабетін тудырады

Картоптың гликемиялық индексі өте жоғары, бұл қандағы қант деңгейінің күрт көтерілуіне себеп болады.

Көру қабілетін нашарлатады

Зерттеулерге сәйкес, картоп құрамындағы акриламид тор қабықтың (сетчатка) зақымдануына әсер етеді.

Жүрекке зиян

Картоп фри қандағы қантты көбейтіп, әйелдер мен ерлерде гипертонияның дамуын тудырады.

Қатерлі ісікке себеп болуы мүмкін

Жоғары температурада қуыру кезінде пайда болатын акриламид атты зат темекі түтінінде де бар және канцерогендік қасиетке ие. Картоп фриді жиі тұтыну — бүйрек, эндометрий және аналық без ісіктерінің даму қаупін арттырады.

* * *

ГАЙМОРИТТІ ЕМДЕУДІҢ ЕҢ ОҢАЙ ЖОЛЫ

Созылмалы гайморитті халықтық әдіспен емдеу үшін ең қарапайым қара шай да көмектесе алады.

Әрине, ем тек шаймен шектелмейді — оған қосымша екі қарапайым, оңай табылатын ингредиент қажет. Бірақ дәл қою қара шай тұнбасы – төмендегі рецепттің басты құрамдастарының бірі.

Қажетті ингредиенттер:

1 шай қасық бал

1 шай қасық эвкалипт тұнбасы (дәріханадан сатып алуға болады)

1 шай қасық қою қара шайдың тұнбасы

Барлығын жақсылап араластырып, мұрынға күніне үш рет тамызу қажет. Дозасы – шамамен жарты пипетка.

Емделу мерзімі – кем дегенде үш күн, бірақ жеңілдік 2–3 рет тамызғаннан кейін-ақ сезіле бастайды.

❗️ Бұл мұрын тамшысын гайморит әлі басталмай, тек тұмау асқынып жатқан кезде қолданған өте тиімді.

* * *

Сүйектерді қалай қатайтуға болады? Серпімділік пен беріктікке арналған рецепттер

Жас ұлғайған сайын сүйек тіндері өз беріктігін жоғалта бастайды. 30–40 жастан кейін сүйектің бұзылу процесі қалпына келуден жылдамырақ жүреді.

Төмендегі рецепт тізе буындарын, сүйектерді нығайтып, ауырсынуды азайтуға көмектеседі.

Рецепт:

3 ас қасық мейіз

40 г асқабақ дәні

2 ас қасық желатин

4 ас қасық күнжіт

200 г бал

8 ас қасық зығыр дәні

Барлық ингредиенттерді блендерге салып жақсылап араластырыңыз. Қоспаны ыдысқа құйып, тоңазытқышта сақтаңыз.

✔️ Таңғы асқа дейін және түскі ас алдында 1 ас қасықтан қабылдаңыз. Бірнеше аптадан кейін-ақ сіңірлер мен байламдарыңыздың күшейіп, буындарыңыздың серпімді және берік бола бастағанын байқайсыз!

* * *

Бауыр саулығына арналған 10 кеңес

Бауыр — ағзамыздың ең маңызды мүшелерінің бірі. Оның дұрыс жұмыс істеуі – жалпы денсаулықтың кепілі. Төмендегі 10 қарапайым кеңесті ұстану арқылы бауыр ауруларының алдын алуға болады:

1. Күнделікті жеткілікті мөлшерде су ішіңіз – бұл бауырдың барлық қызметін жеңілдетеді.

2. Алкоголь мен басқа зиянды заттардан бас тартыңыз – олар бауырға үлкен зиян келтіреді.

3. Майлы тағамды азайтыңыз, бұл бауырға түсетін жүктемені азайтып, артық салмақтың алдын алады.

4. Көкөніс пен жемісті көбірек жеңіз – олардағы дәрумендер мен антиоксиданттар бауырды қорғайды.

5. Майы аз ақуыз көздерін тұтыныңыз – бұл бауырдың қалыпты жұмысын қамтамасыз етеді.

6. Тез сіңетін көмірсулар мен тәттіден аулақ болыңыз – олар бауырда майдың жиналуына әкеледі.

7. Асты бидай тұтас дәндерінен жасалған өнімдермен байытыңыз – олардағы талшықтар бауырды тазартуға көмектеседі.

8. Дәрілерді тек қажеттілікпен қабылдаңыз – қажетсіз дәрі-дәрмектер бауырды әлсіретеді.

9. Жиі қозғалыста болыңыз – дене белсенділігі бауырдағы майды азайтып, оның жұмысын жақсартады.

10. Салауатты өмір салтын ұстаныңыз – темекіден бас тартып, күйзелісті азайтып, ұйқыны реттеңіз.

📌 Бауыр – ағзаңыздың моторы. Оған күтім жасасаңыз, денсаулығыңыз ұзақ сақталады!

* * *

Дәрілерді ұмытыңыз да, аскөкті қолданып көріңіз – бұл сіздің өміріңізді өзгертуі мүмкін!

Егер сіз жоғары қан қысымынан, іш қатудан, асқазан немесе қуық ауырсынуынан зардап шегіп жүрсеңіз, аскөк тұқымынан жасалған тұнба сізге нағыз құтқарушы бола алады.

Рецепт:

1 ас қасық аскөк тұқымын (төбесімен) шайникке салып, үстінен 0,5 литр қайнаған су құйыңыз. Содан кейін тұнбаны салфеткамен немесе сүлгімен жауып, 40 минуттай демдеңіз. Бұл тұқымдар барлық пайдалы заттарын суға беруі үшін қажет.

Қабылдау ережесі:

Тұнбаны күніне 7–10 рет, әр жолы 3 жұтымнан ішіңіз. Міндетті түрде тамақпен бірге ішіңіз, ашқарынға болмайды. Емдеу курсы — 1 апта. Кейін алдын алу үшін ай сайын 2–3 күн бойы ішіп тұруға болады.

Қымбат дәрі-дәрмектерге ақша жұмсамаңыз — аскөк сізге табиғи әрі тиімді ем бола алады!

Аскөкті күнделікті рационыңызға қосыңыз, және өз денсаулығыңыздың қалай жақсарғанын байқайсыз!

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі