Күніне екі жұмыртқа жеу – денсаулықты нығайтудың тиімді жолы❗️

✅ Жадыны жақсартады:

Жұмыртқаның сарысында холин бар – бұл ұсақ жүйке импульстарын өткізуге жауапты маңызды аминқышқыл, солардың арқасында біз ұсақ-түйек нәрселерді есте сақтай аламыз.

✅ Көру қабілетін жақсартады:

Зерттеулерге сәйкес, жұмыртқа көздің көруі анық әрі айқын болып тұруына көмектесетін лютеин витаминіне бай. Лютеин табиғи түрде көздің ішінде болады.

✅ Сүйек пен тіс қатаяды:

Жұмыртқада сүйектер мен тістерге қажетті кальций мен фосфордың деңгейін реттейтін D дәрумені көп. Жұмыртқа жеу ағзаға кальцийді жақсы сіңіруге көмектесіп, остеопороздың алдын алады.

✅ Терінің, шаштың және бауырдың саулығын жақсартады:

Фолаттың (B9 дәрумені) жетіспеушілігі көбіне бұл дәруменді жеткілікті мөлшерде тұтынбайтын әйелдерде кездеседі. Ал жұмыртқа – осы дәруменнің тамаша көзі.

* * *

Холестерин деңгейін төмендететін керемет рецепт

1. 3 орташа лимонды алып, жуып, кептіріңіз.

2. Лимондарды еттартқыштан өткізіңіз немесе блендерде ұсақтаңыз.

3. Оған 3 піскен, тазартылып ұсақталған сарымсақтың басын және 1 стакан бал қосыңыз.

4. Барлығын жақсылап араластырыңыз. Қоспаны қақпағы бар шыны банкаларға 100 мл-ден бөліп құйып, тоңазытқышта сақтаңыз.

📌Бұл лимон, сарымсақ және бал қоспасын тамақтан 2 сағат өткен соң 1 шай қасықтан қабылдаңыз. Күніне 3 рет, 2 ай бойы. Жылына 1-2 рет курспен қайталауға болады.

* * *

«Гвоздика» сатып алуға бірнеше себеп

«Гвоздика» ертеден тек дәмдеуіш қана емес, тыныс алу жолдары ауруларында тыныс алуды жеңілдететін шипалы құрал ретінде де қолданылған.

«Гвоздика» денені жылытады, ас қорытуды жақсартады, тәбетті ашады, асқазан мен бауырды, есте сақтау қабілетін, қан айналымын күшейтеді. Тіпті «гвоздика» қайнатпасымен көз ауруларын да емдеген.

1. Егер сіз тамақтың ауырғанын немесе ангинаның алғашқы белгілерін байқаған болсаңыз, бірнеше кішкентай «гвоздика» бүршігін шайнаңыз. Тамақ бірден ауырмай қалады, аурудың өршуі тоқтайды!

2. «Гвоздика» ас қорытуды жақсартып, асқазан-ішек жолының жұмысын қалпына келтіруге көмектеседі. Ол үшін 2 «гвоздика» бүршігін 1 шай қасық балмен бірге тамақтан 15 минут бұрын шайнау жеткілікті.

* * *

Кивиден жасалған тосап

Киви – табиғаттың нағыз қазынасы. Оның құрамында дәрумендер, көмірсулар, ақуыздар, микроэлементтер мен талшықтар мол. Көп көрсеткіш бойынша киви басқа жеміс-жидектердің арасында көш бастап тұр.

Киви иммундық жүйеге оң әсер етіп, ағзаның қорғаныс және қалпына келу функцияларын белсендіреді, сондай-ақ күйзеліске төзімділігін айтарлықтай арттырады.

Бұл тосап тек дәмді ғана емес, сонымен қатар ерекше әдемі болады!

Қажет ингредиенттер:

5 киви

1 банан

1 шай қасық желатин

220 гр қант

Жарты лимонның шырыны

Дайындау тәсілі:

Кивиді ұсақтап тураңыз. Сол ыдысқа бананды да ұсақтап турап қосыңыз. Жеңіл ғана езіңіз.

Қант пен желатин қосыңыз.

Қоспаны 5-7 минут қайнатыңыз.

* * *

Ми тамырларын тазарту әдістері. Тексерілген тәсілдер

Тамырларды үнемі тазарту – бастың ауырлығынан арылуға, бас ауруының жоғалуына, сана-сезімнің айқын болуына және көңіл-күйдің жақсаруына көмектеседі.

1-әдіс: бал және жаңғақ

5 дана грек жаңғағын майдалап, 1 ас қасық табиғи жөке балымен жақсылап араластырыңыз. Үстіне бір шымшым ұнтақталған даршын мен зімбір қосып, араластырыңыз. Қоспаны бір тәулікке тоңазытқышқа қойыңыз.

Күніне 3 рет, тамақтан жарты сағат бұрын 1 ас қасықтан ішіңіз.

2-әдіс: пияз шырыны мен бал

1/3 стакан пияз шырынын сығып алып, оны 1 стакан табиғи балмен араластырыңыз.

Бұл шипалы қоспаны күніне 3 рет, тамақтан жарты сағат бұрын 1 шай қасықтан ішіңіз. Бұл қоспа тамырларды тазартып қана қоймай, иммунитетті де күшейтеді.

3-әдіс: табиғи шырындар

Күн сайын түскі және кешкі астан жарты сағат бұрын жарты стақан анар шырынын ішіңіз (алма және сәбіз шырындарымен алмастырып отыруға болады).

Шырындар барынша табиғи болуы керек, мүмкіндігінше өзіңіз дайындағаны дұрыс.

* * *

Артрозға қарсы пайдалы кеңестер

1. Піскен күріш буындарға өте пайдалы. Ол буындарда жиналған тұздарды «тартып шығарып», буындарды жасартады.

2. Қара және көк шомырдан жасалған салатты тамақ рационыңызға қосыңыз. Бұл ем курсы 3 аптаға созылады.

3. 2 шай қасық алма сірке суын, 2 ас қасық табиғи балды бір стақан суға ерітіп, күніне екі стақаннан он күн бойы ішіңіз.

4. 5 лавр жапырағын 280 мл суда 5 минут қайнатып, жарты сағат салқындатыңыз. Сосын 1 ас қасық тұнбаны 1 стақан суға араластырып, әр сағат сайын 1 стақаннан ішіңіз. Бұл ем 5 күнге созылады.

5. Аскөк пен балдыркөк шайын ішіңіз. Бұл емнің ұзақтығы — 12 күн.

* * *

Ми жұмысына пайдалы екі қарапайым рецепт (қазақша нұсқасы):

1. Бал + жаңғақ

Бұл әдіс үшін 5-6 дана жаңғақты ұнтақтап, оған 2 шай қасық жөке (липа) балы қосылады, жақсылап араластырылады. Қаласаңыз, аздап ұнтақталған даршын мен имбирь қосуға болады. Қоспаны бір тәулікке тоңазытқышқа қою керек. Бұл қоспаны таңертең, түсте және кешке тамақтан 30 минут бұрын 1 ас қасықтан қабылдаған жөн.

2. Пияз шырыны + бал

250 мл үй жағдайында дайындалған жөке (липа) балын 1/3 стақан пияз шырынымен араластырамыз. Бұл рецепт қан тамырларын тазалауға көмектеседі және иммунитетті нығайтады. Тамақ ішерден 30 минут бұрын күніне үш рет 1 шай қасықтан қабылдау ұсынылады.

* * *

СТАКАН СУ

Біз әлі де білмейтін нәрселер әрдайым табылады. Мысалы, адамдарда түнде несептің жиі бөлінуі неге жиі кездеседі?

Кардиологтардың жауабы: күндіз тік жүргенде, ауырлық күші суды дененің төменгі бөлігінде ұстап тұрады, сондықтан аяқ ісінеді. Ал жатқанда аяқ пен дененің төменгі бөлігі бүйрекпен бір деңгейге келеді, сонда бүйректер суды шығара бастайды.

Судың қабылдау уақытын өзгертіңіз – бұл өте маңызды.

Белгілі бір уақытта су ішу – оның ағзадағы тиімділігін арттырады:

Таңертең оянған соң 2 стақан су — ішкі ағзалардың жұмысын белсендіреді;

Тамақтан 30 минут бұрын 1 стақан су — ас қорытуға көмектеседі;

Ванна қабылдар алдында 1 стақан су — қан қысымын төмендетуге көмектеседі;

Ұйықтар алдында 1 стақан су — инсульт пен жүрек ұстамасының алдын алады.

Сонымен қатар, мен бұған мынаны қоса аламын... Дәрігерлер түнгі уақытта су ішу аяқтың тартылуынан (судорога) сақтайтынын айтады. Аяқ бұлшықеттері тартылған кезде олар ылғал іздейді, бұл бізді оятып жібереді.

* * *

ТІС АУРУЫН ҚАЛАЙ БАСУҒА БОЛАДЫ

Тіс ауырғанда оны жеңілдету үшін келесі әдістерді қолдануға болады:

Су мен ас содасы

1 шай қасық ас содасын 1 стақан жылы суға ерітіңіз. Бұл қоспаның антисептикалық әсері бар және аллергия тудырмайды. Ауыз қуысын бірнеше рет шайыңыз.

Су мен тұз

1 стақан суға 2 шай қасық тұз қосып, жақсылап ерітіңіз. Бұл да ауыз қуысын дезинфекциялауға көмектеседі.

Дәрілік шөптердің тұнбасы

Қабыну мен ісінуді басу үшін тыныштандыратын шөптер қолданылады. Ең тиімділері — жалбыз, мелисса, шалфей және түймедақ жапырақтары. 2 ас қасық шөпке қайнаған су құйып, 20 минут тұндырыңыз. Салқындаған соң күніне 5 рет ауызды шайыңыз.

Емен қабығы

Дәріханадан ұнтақ күйінде сатып алуға болады. Емен қабығының ұнтағын 5 минут қайнатып, тұнбасын сүзіп, салқындатып алыңыз. Содан кейін әр 3 сағат сайын ауызды шайыңыз. Бұл тұнба қабынуды басуға және ауырсынуды жеңілдетуге көмектеседі.

Дәріханалық препараттар

Дайын антисептикалық және қабынуға қарсы дәрілер де бар.

Антисептиктер: Мирамистин, Хлоргексидин.

Қабынуға қарсы дәрілер: Тантум Верде, Стоматофит.

Бұл құралдар қабынуды жақсы басады және жанама әсерлері өте аз. Ауырсынуды уақытша басу үшін ауыртатын дәрілерге жүгінбей-ақ қоюға болады.

* * *

Минералдар — ағзамыз үшін өмірлік маңызды

📌 Натрий — кортизол деңгейін төмендетуге және электролит тепе-теңдігін сақтауға көмектеседі.

📌 Темір – тіндердің оттегімен қамтамасыз етілуін және метаболизм жылдамдығын қолдайды.

📌 Селен – тотығу стрессін азайтады және антиоксиданттық қорғаныс береді.

📌 Марганец – антиоксиданттық қорғанысты қамтамасыз етеді.

📌 Калий – қан қысымын реттейді және гипертониядан қорғайды.

📌 Мырыш – жыныстық гормондар мен қалқанша безі гормондарының түзілуін қолдайды.

📌 Йод – қалқанша безі гормондары мен зат алмасудың негізгі кілті.

📌 Магний – күйзелісті және оның жағымсыз салдарын азайтады.

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі