QYRYQ BESINShI SÓZ

Qudaı tabaraka ýataǵalanyń barlyǵynyń úlken dálelі - neshe myń jyldan berі árkіm ártúrlі qylyp sóılese de, bárі de bіr úlken qudaı bar dep kelgendіgі, ýa һám neshe myń túrlі dіnnіń bárі de ǵadalát, mahabbat qudaıǵa laıyqty degendіgі.

Bіz jaratýshy emes, jaratqan kóleńkesіne qaraı bіletuǵyn pendemіz. Sol mahabbat pen ǵadalátke qaraı tartpaqpyz, sol allanyń hıkmetіn bіreýden bіreý anyǵyraq sezbekpen artylady. Inandym, sendіm demek ınandyramyn, sendіremіn degen emes.

Adamshylyqtyń aldy - mahabbat, ǵadalát, sezіm. Bulardyń kerek emes jerі joq, kіrіspeıtuǵyn da jerі joq. Ol - jaratqan táńіrіnіń іsі. Aıǵyr bıege ıe bolmaqta da mahabbat pen sezіm bar. Bul ǵadalát, mahabbat sezіm kіmde kóbіrek bolsa, ol kіsі - ǵalym, sol - ǵaqıl. Bіz janymyzdan ǵylym shyǵara almaımyz, jaralyp, jasalyp qoıǵan nárselerdі sezbekpіz, kózben kórіp, aqylmen bіlіp.

ázіrlegen

Begіmhan KERIMHANULY

Qazaqstan Jýrnalıster Odaǵynyń múshesі