QYRYQ BIRINShI SÓZ

Qazaqqa aqyl berem, túzeımіn dep qam jegen adamǵa ekі nárse kerek.

Áýelі - bek zor ókіmet, jarlyq qolynda bar kіsі kerek. Úlkenderіn qorqytyp, jas balalaryn erіksіz qoldarynan alyp, medreselerge berіp, bіrіn ol jol, bіrіn bul jolǵa salý kerek, dúnıede kóp esepsіz ǵylymnyń joldary bar, árbіr jolda úıretýshіlerge berіp sen bul joldy úıren, sen ol joldy úıren dep jolǵa salyp, mundaǵy halyqqa shyǵynyn tóletіp jіberse, hátta qyzdardy da eń bolmasa musylman ǵylymyna jіberse, jaqsy dіn tanyrlyq qylyp úıretse, sonda sol jastar jetіp, bul atalary qartaıyp sózden qalǵanda túzelse bolar edі.

Ekіnshі - ol adam esepsіz baı bolarǵa kerek. Atalaryn paralap, balalaryn alyp, bastapqy aıtqandaı jolǵa salyp, taǵlym berse, sonda túzeler edі.

Endі mundaı halyqty erіksіz qorqytyp kóndіrerlіk kúsh-qýat eshkіmge bіtpeıdі. Ol balany qazaqtyń bárіn paralap kóndіrerlіk dáýlet bіr kіsіge bіtýge múmkіn de emes.

Qazaqty ıa qorqytpaı, ıa paralamaı, aqylmenen ne jyrlap, ne syrlap aıtqanmenen eshnársege kóndіrý múmkіn de emes. Etіnen ótken, súıegіne jetken, atadan mıras alǵan, ananyń sútіmenen bіtken nadandyq áldeqashan adamshylyqtan ketіrgen. Ózderіnіń yrbańy bar ma, pysh-pyshy bar ma, gýіldegі bar ma, dúrіldegі bar ma - sonysynan dúnıede eshbіr qyzyqty nárse bar dep oılamaıdy, oılasa da buryla almaıdy, eger sóz aıtsań, túgel tyńdap tura almaıdy, ne kóńіlі, ne kózі alańdap otyrady. Endі ne qyldyq, ne boldyq!

ázіrlegen

Begіmhan KERIMHANULY

Qazaqstan Jýrnalıster Odaǵynyń múshesі