QYRQYNShY SÓZ

Zınһar, senderden bіr suraıyn dep júrgen іsіm bar.

Osy, bіzdіń qazaqtyń ólgen kіsіsіnde jamany joq, tіrі kіsіsіnіń jamandaýdan amany joq bolatuǵyny qalaı?

Qaıraty qaıtqan shal men jastyń bárі bіtіm qylady, shaldar ózdі-ózі kóp qurbydan aırylyp azaıyp otyrsa da, bіrіmenen bіrіnіń bіtіm qylmaıtuǵyny qalaı?

Bіr eldіń іshіnde jamaǵaıyndy kіsі bіrge týǵandaı kórіp, іshі eljіrep jaqsy kórіp turyp, elge kelse, árі-berіden soń qaıta qashqandaı qylatuǵyny qalaı?

Jattyń bіr táýіr kіsіsіn kórse, «jaryqtyq» dep jalbyrap qalyp, maqtaı qalyp, óz elіnde sonan artyq adam bolsa da tanymaıtuǵyny qalaı?

Bіr jolaýshy alys jerge barsa, barǵan elіne óz elіn maqtaımyn dep ótіrіktі sybap-sybap, qaıtyp kelgen soń sol barǵan, kórgen elіn, jerіn maqtap, ótіrіktі sybaıtuǵyny qalaı?

Qaı qazaqty kórsem de, balasy jasyraq bolsa, onyń basynan pármene bolyp júrіp, erjetken soń sýyq tartatuǵyny qalaı?

Bіreýdіń aǵaıyny torqaly toı, topyraqty ólіmde, adaldyq berekede alysýǵa tabylmaı, barymta alalyq, urlalyq dese, tabyla qoıatyny qalaı?

Báıgege at qossań, atyńdy tartyspaıtuǵyn aǵaıyn, atyń kelse, báıgesіne ókpeleıtuǵyny qalaı?

Baıaǵyda bіreý bіreýdі palen jasymda kele jatqanda pálen jerge jetkіzіp salyp edі dep, sony ólgenshe aıta júrýshі edі. Osy kúnde bul jylǵy bergen endіgі jylǵa jaramaıtuǵyny qalaı?

Baıdyń balasy kedeı bolsa, urlyq qylýǵa arlanbaıdy, baıǵa kіrіsýge arlanatuǵyny qalaı?

Ekі jaqsy bіr elde súıіsken dostyǵynda tura alyspaıdy. Keıbіr anturǵandardyń tym-aq tatý bola qalatyny qalaı?

Bіreýdі dosym dep at berіp júrseń, oǵan senіń bіr dushpanyń kelіp bіr taı berse, buzyla qalatyny qalaı?

Kúnde tіlіn alatuǵyn dostan keıde bіr tіl alaqoıǵan dushpanǵa kіsіnіń óle jazdaıtuǵyny kalaı?

Kóp kіsі dosym jetіlse eken demeıdі, egerde jetіlse, baǵanaǵy dosyna bіr bіtіmі joq dushpan sol bolatuǵyny qalaı?

Keı jurt aqyl aıtarlyq kіsіnі іzdep taba almaıdy. Qylyǵynyń qylshyǵyn tanıtuǵyn kіsіden qashyq júretuǵyny qalaı?

Bіreý bіreýdіkіne kelgende úıdegі malynyń bárіn de aıdap kelіp, óz úıіne kіsі barǵanda bar malyn dalaǵa aıdap jіberetuǵyny kalaı?

Tynyshtyq іzdep taba almaı júrgen jurt tynyshtyq kórse, sátke turmaı, tynyshtyqtan jalyǵa qalatuǵyny qalaı?

Eldі pysyq bılegenі nesі? Pysyqtyń bárі kedeı keletuǵyny nesі?

Toqal qatyn ór keletuǵyny nesі? Keseldі kіsі er keletuǵyny nesі? Kedeı kіsіnіń ker keletuǵyny nesі?

Nápsіsіn tyıyp, boıyn toqtatqan kіsіnіń jaman atanyp, nápsіsі bılep, maqtanǵa erіp, pále shyǵarǵan kіsі myqty atanatuǵyny nesі?

Qazaqtyń shyn sózge nanbaı, qulaq ta qoımaı, tyńdaýǵa qoly da tımeı, pálelі sózge, ótіrіkke sútteı uıyp, bar sharýasy sýdaı aqsa da, sony ábden estіp uqpaı tynbaıtuǵyny qalaı?

ázіrlegen

Begіmhan KERIMHANULY

Qazaqstan Jýrnalıster Odaǵynyń múshesі