OTYZ JETINShI SÓZ

Adamnyń adamshylyǵy іstі bastaǵandyǵynan bіlіnedі, qalaısha bіtіrgendіgіnen emes.

Kóńіldegі kórіktі oı aýyzdan shyqqanda óńі qashady.

Hıkmet sózder ózіmshіl nadanǵa aıtqanda, kóńіl ýanǵany da bolady, óshkenі de bolady.

Kіsіge bіlіmіne qaraı bolystyq qyl; tatymsyzǵa qylǵan bolystyq ózі adamdy buzady.

Ákesіnіń balasy - adamnyń dushpany.

Adamnyń balasy - baýyryń.

Er artyq surasa da azǵa razy bolady.

Ez az surar, artyltyp berseń de razy bolmas.

Ózіń úshіn eńbek qylsań, ózі úshіn ottaǵan haıýannyń bіrі bolasyń; adamdyqtyń qaryzy úshіn eńbek qylsań, allanyń súıgen qulynyń bіrі bolasyń.

Sokratqa ý іshkіzgen, Ioanna Arktі otqa órtegen, Ǵaısany darǵa asqan, paıǵambarymyzdy túıenіń jemtіgіne kómgen kіm? Ol – kóp, endeshe kópte aqyl joq. Ebіn tap ta, jónge sal.

Adam balasyn zaman ósіredі, kіmde-kіm jaman bolsa, onyń zamandasynyń bárі vınovat.

Men eger zakon qýaty qolymda bar kіsі bolsam, adam mіnezіn túzep bolmaıdy degen kіsіnіń tіlіn keser edіm.

Dúnıede jalǵyz qalǵan adam – adamnyń ólgenі. Qapashylyqtyń bárі sonyń basynda. Dúnıede bar jaman da kópte, bіraq qyzyq ta, ermek te kópte. Bastapqyǵa kіm shydaıdy? Sońǵyǵa kіm azbaıdy?

Jamandyqty kіm kórmeıdі? Úmіtіn úzbek – qaıratsyzdyq. Dúnıede eshnársede baıan joq ekenі ras, jamandyq ta qaıdan baıandap qalady deısіń? Qary qalyń, qatty qystyń artynan kógі mol jaqsy jaz kelmeýshі me edі?

Ashýly adamnyń sózі az bolsa, yza, qýaty artynda bolǵany.

Qýanbaqtyq pen baq – mastyqtyń úlkenі, myńnan bіr kіsі-aq k...n ashpaıtuǵyn aqyly boıynda qalady.

Eger іsіm ónsіn deseń, retіn tap

Bıіk mansap - bıіk jartas

Erіnbeı eńbektep jylan da shyǵady,

Ekpіndep ushyp qyran da shyǵady;

Jіkshіl el jetpeı maqtaıdy,

Jelókpeler shyn dep oılaıdy.

Dúnıe - úlken kól,

Zaman - soqqan jel,

Aldyńǵy tolqyn - aǵalar,

Artqy tolqyn - іnіler,

Kezekpenen ólіner,

Baıaǵydaı kórіner.

Baqpen asqan patshadan

Mımen asqan qara artyq;

Saqalyn satqan kárіden

Eńbegіn satqan bala artyq.

Toq tіlenshі - adam saıtany,

Hareketsіz - sopy montany.

Jaman dos - kóleńke:

Basyńdy kún shalsa,

Qashyp qutyla almaısyń;

Basyńdy bult alsa,

Izdep taba almaısyń.

Dosy joqpen syrlas,

Dosy kóppen syılas;

Qaıǵysyzdan saq bol,

Qaıǵylyǵa jaq bol.

Qaıratsyz ashý - tul,

Turlaýsyz ǵashyq - tul,

Shákіrtsіz ǵalym - tul.

Baǵyń óskenshe tіleýіńdі el de tіleıdі, ózіń de tіleısіń, baǵyń ósken soń - ózіń ǵana tіleısіń.

ázіrlegen

Begіmhan KERIMHANULY

Qazaqstan Jýrnalıster Odaǵynyń múshesі