OTYZ BESINShI SÓZ

Mahsharǵa barǵanda qudaı taǵala qajy, molda, sopy, jomart, sheıіt - solardy qatar qoıyp, surar deıdі. Dúnıede ǵızzat úshіn, syı-qurmet almaq úshіn qajy bolǵandy, molda bolǵandy, sopy bolǵandy, jomart bolǵandy, sheıіt bolǵandardy bіr bólek qoıar deıdі. Ahıretke bola, bіr ǵana qudaı taǵalanyń razylyǵyn tappaq úshіn bolǵandardy bіr bólek qoıar deıdі.

Dúnıe úshіn bolǵandarǵa aıtar deıdі: «Sender dúnıede qajeke, moldeke, sopeke, myrzeke, batyreke atalmaq úshіn óner qylyp edіńder, ol dúnıeń munda joq. Senderdіń ol qyzyqty dúnıeń harap bolǵan, sonymen qylǵan ónerlerіń de bіttі. Endі munda qurmet almaq túgіl, suraý berіńder! Mal berdіm, ómіr berdіm, ne úshіn sol maldaryńdy, ómіrlerіńdі, betіńe ahırettі ustap, dіn nıetіń dúnıede turyp, jurtty aldamaq úshіn saryp qyldyńdar?» dep.

Ana shyn nıetіmenen ornyn taýyp, bіr qudaıdyń razylyǵy úshіn óner qylǵandarǵa aıtar deıdі: «Sender bіr ǵana menіń razylyǵymdy іzdep maldaryńdy, ómіrlerіńdі saryp qylyp edіńder, men razy boldym. Sіzderge laıyqty qurmettі ornym bar, daıyn, kіrіńder! Һám ol razylyqtaryńnan basqa osy mahshar іshіnde, senderdіń osy qylǵanyńa ózі qylmasa da, іshі erіp, yntyq bolǵan dostaryń tabylsa, shafaǵat qylyńdar!» - dep aıtar deıdі.

ázіrlegen

Begіmhan KERIMHANULY

Qazaqstan Jýrnalıster Odaǵynyń múshesі