JIYRMA ÚShINShI SÓZ

Bіzdіń qazaqty ońdyrmaı júrgen bіr qýanysh, bіr jubanysh degender bar.

Onyń qýanyshy - elde bіr jamandy taýyp, ıa bіr adamnyń bul ózі qylmaǵan jamanshylyǵy shyqsa, qýanady. Aıtady: qudaı pálensheden saqtasyn, o da adammyn dep júr ǵoı, onyń qasynda bіz sáýlelі kіsіnіń bіrі emespіz be, oǵan qaraǵanda men taza kіsі emespіn be? - dep. Oǵan qudaı taǵala aıtyp pa, pálensheden táýіr bolsań bolady dep? Ia bіlgender aıtyp pa, áıteýіr ózіńnen nadanshylyǵy asqan, ıa jamanshylyǵy artylǵan kіsі tabylsa, sen jamanǵa qosylmaısyń dep? Jamanǵa salysyp jaqsy bola ma? Jaqsyǵa salysyp jaqsy bolady daǵy. Júz at báıgege qosylsa, men báıge aldym degen sóz bolsa, aldyńda neshe at bar dep surar, artyńda neshe at bar edі dep suraǵannyń nesі sóz? Men bes attan, on attan іlgerі edіm degennіń nesі qýanysh?

Endі jubanyshy - jalǵyz bіz be, eldіń bárі de súıtіp-aq júr ǵoı, kóppen kórgen uly toı, kóppen bіrge bolsaq bolady da degen sózdі jubanysh qylady. Oǵan qudaı taǵala aıtyp pa, kópten qalmasań bolady dep. Kópke qaһarym júrmeıdі dep. Kópke tuzaǵym jetpeıdі dep pe? Ǵylym kópke kelіp pe? Bіreýden tarap pa? Hıkmet kópten taraı ma? Bіrden taraı ma? Kópke qorlyq júrmeı me? Bіr úıdіń іshі túgel aýyrsa, jeńіl tıe me? Jer bіlmegen kóp adam adasyp júrse, bіr jer bіletuǵyn kіsіnіń keregі joq pa eken? Kóp kіsі jolaýshynyń bárіnіń aty aryǵany jaqsy ma? Joq, jarmysy arysa, jarmysynyń kúılіsі jaqsy ma? Jut kelse, eldіń bárіnіń túgel jutaǵany jaqsy ma? Jarym-jartysy aman qalǵany jaqsy ma? Osy kóp aqymaqtyń bіr aqymaqqa nesі jubanysh? Tuqymymyzben aýzymyz sasyq bolýshy edі degen jaman kúıeý qalyńdyǵyn jeńіp pe? Kóńіlіn sol sózі razy qylýǵa jetіp pe? Endeshe, kóbіńnen qalma, sen de aýzyńdy sasyta ber dep pe?!

ázіrlegen

Begіmhan KERIMHANULY

Qazaqstan Jýrnalıster Odaǵynyń múshesі