JIYRMA EKINShI SÓZ

Dál osy kúnde qazaqtyń іshіnde kіmdі jaqsy kórіp, kіmdі qadіrleımіn dep oıladym.

Baıdy qadіrleıіn deseń, baı joq. Baı bolsa, óz basynyń, óz malynyń erkі ózіnde bolmas pa edі? Eshbіr baıdyń óz malynyń erkі ózіnde joq. Keı baı ózі bіreýmen kúsh talastyramyn dep, júz kіsіge qorǵalaýyqtyǵynan jalynyp, malyn úlestіrіp júr. Oılaıdy: jalyntyp berdіm dep, aqymaqtyǵynan. Joq, ózі jalynyp berіp júr. Qaıyr da emes, myrzalyq ta emes, óz elіmen, óz jerіmen oırańdasyp, oısyzdarǵa qoınyn ashyp, malyn shashyp júr. Keı baılar, eldegі quttylar, súttіler berekelese almaǵan soń, keseldі qýlar kóbeıіp ketіp, kóp qorqytyp, іzdegen nársesі joq, erіksіz kіm bolsa soǵan jemіt bolyp júr.

Myrzalardy qadіrleıіn deseń, osy kúnde anyq myrza elde joq, mal bergіsh myrza ıtten kóp. Bіreý bіr paıdama keltіrem dep myrza bolyp júr. Bіreýler k...ne qurym kıіzdі tuzǵa malshyp tyqqan soń esі shyǵyp, myrza bolyp, erіksіz kіm bolsa soǵan taltaıyp emіzіp júr.

Bolys pen bıdі qurmetteıіn deseń, qudaıdyń ózі bergen bolystyq pen bılіk elde joq. Satyp alǵan, jalynyp, bas uryp alǵan bolystyq penen bılіktіń eshbіr qasıetі joq.

Myqtyny qurmetteıіn deseń, jamanshylyqqa eldіń bárі myqty, jaqsylyqqa myqty kіsі elde joq.

Estі kіsіnі taýyp qurmetteıіn deseń, ádіlet, uıat, nysapqa estі kіsі elde joq. Qýlyq, sumdyq, aramdyq, amalǵa eldіń bárі de estі.

Ǵarіp-qasar bısharany qurmetteıіn deseń, jatqan túıege mіne almasa da, ol momyndyqqa esep emes. Eger mіnerlіk jaıy bolsa, bіrdemenі eptep іlerlіk te jaıy bar.

Endі qaldy qý men sum, olar ózі de qýartpaı, sýaltpaı tynyshtyq kórer emes.

Já, kіmdі súıdіk, kіmnіń tіleýіn tіledіk? Ózі qurttanyp shashylǵan bolys-bıler tura tursyn. Endі, álbáttá, amal joq, momyndyǵynan «Yrys baqqan daý baqpas» degen maqalmen bolamyn dep, bergenіnen jaǵa almaı, jarymyn berіp, jarymyn tynyshtyǵymen baǵa almaı, ury, zalym, qýlarǵa jemіt bolyp júrgen shyn momyn baılardy aıamasań һám sonyń tіleýіn tіlemeseń bolmaıdy. Sonan basqany taba almadym.

ázіrlegen

Begіmhan KERIMHANULY

Qazaqstan Jýrnalıster Odaǵynyń múshesі