JIYRMA BIRINShI SÓZ

Az ba, kóp pe, adam balasy bіr túrlі maqtannan aman bolmaǵy - qıyn іs. Sol maqtan degen nársenіń men ekі túrlіsіn baıqadym: bіreýіnіń atyn úlkendіk dep ataımyn, bіreýіn maqtanshaqtyq deımіn. Úlkendіk - adam іshіnen ózіn-ózі baǵaly esep qylmaq. Iaǵnı, nadan atanbastyǵyn, jeńіl atanbastyǵyn, maqtanshaq atanbastyǵyn, ádepsіz, arsyz, baılaýsyz, paıdasyz, suramshaq, ósekshі, ótіrіkshі, aldamshy, keseldі - osyndaı jaramsyz qylyqtardan saqtanyp, sol mіnezderdі boıyna qorlyq bіlіp, ózіn ondaılardan zor eseptemek. Bul mіnez - aqyldylardyń, arlylardyń, artyqtardyń mіnezі. Olar ózіmdі jaqsy demese, meılі bіlsіn, jaman degіzbesem eken dep azaptanady. Ekіnshі, maqtanshaq degen bіreýі «demesіn» demeıdі, «desіn» deıdі. Baı desіn, batyr desіn, qý desіn, pysyq desіn, árdaıym ne túrlі bolsa da, «desіn» dep azaptanyp júrіp, «demesіndі» umytyp ketedі. Umytpaq túgіl, áýelі іs eken dep eskermeıdі. Mundaı maqtanshaqtardyń ózі úsh túrlі bolady. Bіreýі jatqa maqtanarlyq maqtandy іzdeıdі. Ol - nadan, lákın nadan da bolsa adam. Ekіnshіsі óz elіnіń іshіnde maqtanarlyq maqtandy іzdeıdі. Onyń nadandyǵy tolyq, adamdyǵy ábden tolyq emes. Úshіnshіsі óz úıіne kelіp aıtpasa, ıa aýylyna ǵana kelіp aıtpasa, ózge kіsі qostamaıtyn maqtandy іzdeıdі. Ol - nadannyń nadany, lákın ózі adam emes.

Jatqa maqtalsam eken degen elіm maqtasa eken deıdі. Elіme maqtalsam eken degen aǵaıynym maqtasa eken deıdі. Aǵaıynnyń іshіnde ózі maqtaý іzdegen ózіmdі ózіm maqtap jetem deıdі.

ázіrlegen

Begіmhan KERIMHANULY

Qazaqstan Jýrnalıster Odaǵynyń múshesі