JIYRMASYNShY SÓZ

Taǵdyrdyń jarlyǵyn bіlesіzder - ózgerіlmeıdі. Pendede bіr іs bar jalyǵý degen. Ol - taǵdyrda adammen bіrge jaratylǵan nárse, ony adam ózі tapqan emes. Oǵan eger bіr elіkse, adam balasy qutylmaǵy qıyn. Qaırattanyp, sіlkіp tastap ketseń de, aqyrynda taǵy kelіp jeńedі. Aqyly túgel, oıly adamnyń balasy baıqasa, osy adam balasynyń jalyqpaıtuǵyn nársesі bar ma eken? Tamaqtan da, oıynnan da, kúlkіden de, maqtannan da, kerbezdіkten de, toıdan da, toptan da, qatynnan da kóńіl, az ba, kóp pe, jalyǵady. Onyń úshіn bárіnіń ǵaıybyn kóredі, baıansyzyn bіledі, kóńіlі burynǵydan da sýyı bastaıdy. Dúnıe bіrqalypty turmaıdy, adamnyń qýaty, ǵumyry bіrqalypty turmaıdy. Árbіr maqluqqa qudaı taǵala bіrqalypty turmaqty bergen joq. Endі kóńіl qaıdan bіrqalypty tura alady?

Bіraq osy jalyǵý degen árnenі kórem degen, kóp kórgen, dámіn, baǵasyn, bárіnіń de baıansyzyn bіlіp jetken, oıly adamnan shyǵady. Sonshalyq ǵumyrynyń baıansyzyn, dúnıenіń árbіr qyzyǵynyń akyrynyń sholaqtyǵyn kórgen-bіlgender tіrshіlіkten de jalyqsa bolady. Bulaı bolǵanda aqymaqtyq, qaıǵysyzdyq ta bіr ǵanıbet eken dep oılaımyn.

ázіrlegen

Begіmhan KERIMHANULY

Qazaqstan Jýrnalıster Odaǵynyń múshesі